BB三國傳:終於執好~可以見得下場面的張郃~

依幾日唔係太想大改模型,近排晚上又想打下機~攪到張郃而家先執完添!

基本要改既地方都執好!不過依幾晚都有飯局,希望星期六可以可以準備上色吧!

↑雙腳都係用返司馬懿的~

↑只是將中段轉90度,內側再加膠片吧了~

↑聽了九龍宋公明的意見,背包加了一個可以扣住武器的扣子!

↑用了兩塊膠片補了頭盔後的空洞位,感覺更像武將了!

↑裙甲的特寫!

↑眼睛也用平時的方法改成可動!

↑久久未能完成的司馬懿~ 後方改了舊版1/144的零件,感覺帥多了!

↑改造後他們背後再沒有相同之處了!

↑前晚約九龍宋公明食飯,竟然比佢迷惑左,即日買了這一盒軍曹計六六大將軍(公明話係”生活必需品”黎…唔食都要買喎=.=)!大將軍合體造型可玩性一流!希望之後能抽空拍起佢吧!

Bookmark the permalink.

28 Comments

  1. 好厲害的改造!! 不再是平凡的張郃了!!
    [版主回覆03/02/2009 22:19:00]多謝欣賞啦~ ^^

  2. 期待上色呢~
    司馬的背包,利害!!難道這就是模型的觸覺?!
    唔知會唔會用紫色呢??
     
    p.s.我最近也造好甘寧,想請YAYA給點評語呢~謝~
    http://hk.myblog.yahoo.com/th_poon/article?mid=152
    [版主回覆03/01/2009 18:12:00]司馬懿背包零件都係整課題後多出黎~ 見個型咁啱就亂砌埋上去了~ 顏色仲未決定好呢~
    等我去睇下你隻甘寧先~

  3. 型仔左咁多….. 哥哥….點解我果隻同你果隻唔同既~~~
    [版主回覆02/28/2009 17:23:00]果日你同我地一齊出去買架喎~ XD
    點會唔同呢!

  4. 真令人期待
    [版主回覆02/28/2009 17:22:00]唔好太期待啦~

  5. 好期待,加油
    快d油完佢,post上泥xd
    [版主回覆02/28/2009 17:21:00]多謝支持~

  6. 我想問問,你隻張郃會配咩色
    真係好期待~XD
    [版主回覆02/28/2009 17:22:00]張郃就諗到了~今個星期六日就會開始油~

  7. 快D油司馬懿啦!!! 好型呀!!! ADD OIL!!!
    [版主回覆02/28/2009 17:20:00]仲未諗到點配色啊!

  8. 我果隻就唔好咁期待啦~ <—-咁大鑊…
    [版主回覆02/28/2009 17:20:00]HAHA 都唔知幾時有時間砌麻~

  9. 咁改法又好得喎,期待上色後效果 ~ 
    [版主回覆02/27/2009 18:08:00]仲諗緊點上色呢~ 多謝欣賞了!

  10. 生日快樂~~~~~~~~^_^
    [版主回覆02/27/2009 18:08:00]多謝喔!!! ^^

  11. 生日快樂  瑞華行可有好消息給你做生日禮物?
    [版主回覆02/27/2009 18:07:00]多謝多謝!!! 以以住紀錄…瑞記邊會咁快知…

  12. 點解可以咁型 ,用了舊版零件又機夾喎,電王即係電王
    [版主回覆02/27/2009 18:06:00]其實司馬本身唔改都幾型架~ 所以到而家仲未諗到配什麼色好…

  13. 算把啦!公明係blog界有名既爛尾候,你點踢佢都唔郁架啦!你問吓佢手上有幾多嘢係未完成仲好啦。全部整晒原子灰,跟住就封晒塵,我有生之年都唔知睇唔睇到佢响blog度話整既嘢。
     
    我諗等你嗰隻應該實際啲!
    [版主回覆02/27/2009 18:05:00]聽佢講都感覺到佢屋企唔少野… 最衰暫時無緣體會一下~ XD
     
    公明今次好似有好大決心整起佢架~  一定要不時提醒佢啊!!
     
    我果隻就唔好咁期待啦~

  14. COME ON BABY,跟我一齊叫號﹗
    BANNER、(啪、啪、啪)﹗
    BANNER、(啪、啪、啪)﹗
    BANNER、(啪、啪、啪)﹗
    COME ON BABY,ONE MORE TIME………
    [版主回覆02/27/2009 18:00:00]好想起你塊面到(啪、啪、啪)﹗
    BANNER整好左, 在你留言中啦~

  15. 不要太期待, 到時可能都只是齋拍就算啊! 睇睇下你就會油埋佢ga啦XD
    [版主回覆02/27/2009 17:57:00]我仲未有時間開盒~ 希望真係完成到佢啦~

  16. 張郃好正,期待上色!!!
    [版主回覆02/27/2009 17:56:00]要星期六日才有空上色呢~

  17. 期待你的計六六大將軍……
    [版主回覆02/26/2009 19:16:00]不要太期待, 到時可能都只是齋拍就算啊!

  18. 其實你動作也很快了…
    最近我改左隻三不像出來…
    很難看,又不知怎改好了…
    [版主回覆02/26/2009 19:15:00]有時頭上燈泡未着燈, 真是好苦惱!
    不如放鬆一下, 概念就自然衝出來了!

  19. 竟然比佢迷惑左 <—-笑死我 ,昨天我仲同公明呻 (印象中之前呻咗兩至三次),話隻嘢超核突,佢就即刻安撫我,話你會改好。今日就睇到喇,好睇過以前個樣好多!快啲上色啦!等佢變靚仔啲!期待ing ~~
    [版主回覆02/26/2009 19:13:00]唔怪得之佢果日咁落嘴頭~ 我期待佢大改多d喎! 佢諗既改造概念好吸引! 一齊迫佢快d動多啦!

  20. 用了兩塊膠片補了頭盔後的空洞位,感覺更像武將了! 係喎~~等我又 try下先~有得抄考~哈哈
    [版主回覆02/26/2009 19:11:00]這兩塊膠片又易整效果又好! 期待你的作品啦!

  21. 生活必需品~hahaha XD
    計六六大將軍落響你手上一定可以大放異彩~!!
    我主要買黎同烈傳小朋友crossover
    哩d咁正既野
    見合理價真係早入好過遲入~!!
    (經歷得太多四圍搵既日子~)
    講返隻張郃
    你強化造型既頭盔、背包、尾甲、大腿
    真係深化左渣古III既造型
    但一定要改前裙甲
    因為司馬下半身線條比渣古III修長
    唔改就sin左你之前既功夫喇~!!
    (改到咁勁,直頭變埋Hoppy Japan ver. haha)
    司馬個背包好大喎
    似出超必既型態
    但放響軍師模式就大粒左d
    我都係比多個輕量背包你
    當係生日禮物啦~ ^_^
    [版主回覆02/26/2009 19:10:00]嘩! 計六六等你報告完我先敢開啊! 你快改, 我跟你學習好了~
     
    三國SD我成日諗住輕鬆砌, 今次已經改凸左好多啦~ 再改唔冇哂衝勁上色了!
     
    我唔要淨背包~ 早知搶左你盒計六六當生日禮物啦~>.<

  22. 如果增加紅線處的弧度就減少雜卒的感覺 畢竟張郃不是佈景板武將
    [版主回覆02/26/2009 19:06:00]平頭真是呆呆的樣子~
    不過加了頭盔後不覺, 就懶得去改了~ XD

  23. 那个66大将军。。。。这么大,组合机体~~~~这个要改起来的话。。工作量不小了
    [版主回覆02/26/2009 19:04:00]所以我暫時連開盒的勇氣都沒有啊!

  24. 以前BB出過嘅可能都會用翻落"計六六"度……
    [版主回覆02/26/2009 09:53:00]計六六唔錯的~ 可以一入啊!

  25. Q 版可以做到可動眼又幾 cute…
    [版主回覆02/26/2009 09:53:00]是啊! 整個精神起來了!

  26. 想打機?是否番來三國鼎立?好耐無見你啦.
    你次次都大改,真係好好心機,期待你既完成照,加油.
    [版主回覆02/26/2009 09:52:00]近排想打c&c這些即時戰略~ 因為一鋪起兩鋪止唔會上瘾麻!
    其實三國sd我多數就咁改色, 好少大改呢~

  27. 沒有頭盔的張郃真沒有氣勢
    [版主回覆02/26/2009 09:48:00]HAHA~ 那是兵頭的樣子~

  28. 左右两边的裙甲还是和司马一样哦,扎古3的设计是前面比较长,然后形成弧度慢慢变短的。
    [版主回覆02/26/2009 09:50:00]哎吔~ 看不到看不到~ 那地方不想動了~
    魏軍只有曹操一人完成, 他就快等不及援軍了!

發佈回覆給「地理堂」的留言 取消回覆

發佈留言必須填寫的電子郵件地址不會公開。


*