BB三國傳:蜀國又再一次強大了!關平登場!

最記得關平在三國無雙及無雙大蛇遊戲入面是數一數二強的角色來,咁啱SD版同遊戲版都一樣用大斬刀!所以倍感熱血同親切!

不過今次本YA對這一盒模型實在有好多不滿,實在不吐不快!第一就是竟然全身都是用回劉備零件,連面甲用返劉備,二人拍埋一齊時仲以為關平都係劉氏家族黎添!可能在SD世界入面,佢就係關羽同劉備的結晶來吧=.=!

第二是香港版的說明書問題了!本YA習慣每一盒模型都收藏說明書的,因為印刷精美外,仲有好多具參考性的資料,所以家裡都有幾本厚厚的FOLDER,得閒攞出黎翻下都覺得正!

但係香港版三國傳的說明書制作實在太令人失望了!一來完全唔知佢翻譯左乜,睇極都睇唔明,二來又文言又口語睇到頭痛,三來錯字百出,四來排版及使用字體極求其!咁樣不如比翻本日文說明書本YA好了~今次關平本說明書仲半版簡體字!連關羽名都打錯變關於!實在太過份了!

申完,都係重點講返主角關平先~

↑大斬刀比例實在不錯!令關平氣勢倍增吧!

↑三國無雙內最強的招式就是橫刀自轉猛斬了!

↑好多姿勢都好有型!

↑本身刀面附有雷射貼紙的,不過實在太花,所以用黑色就算了,而且黑色更有沉實感吧!

↑背後的大背包是拳套來呢!造型同原機體好接近!讚~

↑拳套上手感覺也不錯吧!

↑不過關節硬直問題,最型的就只有這兩個姿勢~(期待之後各高手的可動改造了)

↑因為本身的面甲實在看不下去,所以花時間作了小小改造,希望能帶出少許原機體的味道吧!

↑父子並肩作戰!本YA將關平右手握槍的拳頭和其父交換了!

↑父親關羽果然較高大,兒子關平也好威猛啊!

↑仲可以搶了父親的大刀來用添!不過太長了吧!

↑這是關平的素體,身體用了透明版的關羽取代原先劉備的!這才是關氏制服麻!

↑又到亂搞聖衣型態的時候了!估唔估到是什麼來呢!

這…這…這就是鬼面衝車來了!關平:衝吧!

↑YAYA的SD三國傳入面,蜀國實在太強大了!

↑這是關平未出產品時的官圖樣子(其實本YA不喜歡這樣子的~不過總好過同劉備完全一樣吧!)

↑一出街就連官圖都改了!真快手…

資料來源:無國界SD高達大聯盟討論區

P.S. 因為整電擊作四腳鐵人實在太長時間了!咁啱星期六華佬又幫我買到(其實仲有好多模型,在此再次多謝華佬先!),所以就忍唔住用一晚時間攪掂左隻關平了!因為太趕關係,近睇的話其實有好多缺憾喔!

Bookmark the permalink.

One Comment

  1. Keith2000
    2008年8月8日上午11:10
    YAYA你…

    我用完邵氏上色,之後想用油性gundam marker上線… 點知上唔到色… 因為我試過好多方法都用唔到支gundam marker上線係個個位到… 未上色既件用gundam marker上線就冇問題… (1..
    回覆
    YAYA
    YAYA
    2008年8月8日上午11:54
    正常唔會有上唔到色情況, 可能筆頭乾了或模型表面有油質吧! 試一下筆頭沾一下郡氏油性溶劑, 情況應該會好一點的~

    gundam marker 要在噴消光前上線, 噴啞光後除了線會化之外, 仲好難用擦膠擦走的! 所..
    Set
    Set
    2008年8月7日下午6:52
    冇問題, 我升中四,放緊暑假, ok得閒, 如果你到時唔得或者想改時間都冇問題^^”
    其實三國傳係我第一次油ge模型, 我對高達一d認識都冇, 第一隻買ge係曹操, 我都要買左幾盒, 10月到依家都未正式搞掂呢= =”
    我依..
    回覆
    YAYA
    YAYA
    2008年8月7日下午7:15
    因為星期二打風, 迫住星期六加班…唉冇計
    咁麻煩哂! 就約定你星期日2.00

    其實第一次玩模型, 唔好咁快迫自己改造, 或者你學一下補夾口補偷膠等技巧, 正正式式完成一款作品先! 咁之後成功感會大好多..
    Set
    Set
    2008年8月7日下午1:29
    杯墊唔洗啦 ,thx^^”
    我只係想攞盒上面個吳國國徽, 整係小卒支旗到= =”
    不過我都可以上日本官網攞呢^^”
    其實我買左盒關平唔係用來切, 我係攞佢個頭比夏侯淵(我用劉備個頭做夏侯惇, 夏侯兄弟太樣衰啦- -“), ..
    回覆
    YAYA
    YAYA
    2008年8月7日下午3:00
    因為諗住作零件來用~ 呂布我可以不用貼紙呢~
    唔知可唔可以改星期日2點呢! 原來星期六要加班… 好抱歉啊~ 如果唔得就要再約時間添~

    你個SD概念真係唔錯喎! 不過整模型切忌太急及冇耐性, 每一個作品..
    Set
    Set
    2008年8月7日下午12:59
    hi, 你要唔要咪關平條褲側邊的2塊甲(我多左)?
    另外我問你有冇留盒?如果多左個孫權盒可以送比我嗎?thx
    回覆
    YAYA
    YAYA
    2008年8月7日下午1:11
    關平我專登一長一短的呢~ haha
    孫權盒我冇留, 不過有多一塊杯墊, 你要唔要?
    Hins
    Hins
    2008年7月30日上午1:10
    好的 高達白 得一款?
    回覆
    YAYA
    YAYA
    2008年7月30日上午10:02
    無錯喔!
    Hins
    Hins
    2008年7月29日下午2:23
    yaya 你知唔知郡氏啞白噴幾多號呀?
    回覆
    YAYA
    YAYA
    2008年7月29日下午8:05
    或者你試下用郡氏高達專用的白色噴罐, 好過之前出既啞白好多架~
    Hins
    Hins
    2008年7月28日下午12:17
    yaya 我想買隻金色噴罐噴三國 我係油原著色 邊隻噴金同原著金最近色? 姐係曹操,張飛果d金
    回覆
    YAYA
    YAYA
    2008年7月29日下午1:57
    噴罐金色隻隻都唔靚… 冇計…
    Tim
    Tim
    2008年7月12日上午4:59
    YAYA兄,請問你隻關平身上既白色係純白色,定係奶白果d色呢?Thx!!
    回覆
    YAYA
    YAYA
    2008年7月29日下午8:04
    果一款係群氏高達專用色CG-39 帶有少少灰的, 不是純白來呢!
    Brian
    Brian
    2008年7月12日上午12:35
    YA兄手油真係勁!
    強烈不滿關平都係高達 , 搞到高達好濫……
    回覆
    YAYA
    YAYA
    2008年7月12日上午3:39
    thx!^^
    我對關平是高達就沒不滿, 因為關羽是高達, 其子是後繼機感覺也不錯的呢! 而且周倉也不是高達啊!
    Hins
    Hins
    2008年7月10日下午11:20
    yaya 我有d滲線野想問多你一次 你係咪用枝高達油性滲線筆滲? 一出界就即用擦膠抹 唔等佢乾左先?
    回覆
    YAYA
    YAYA
    2008年7月11日上午11:10
    我是用那些0.5高達油性滲線筆畫線的~
    一出界就立即擦, 等太久怕會入色, 到時就好難攪了~
    Hins
    Hins
    2008年7月7日上午2:45
    預埋我
    回覆
    YAYA
    YAYA
    2008年7月7日下午2:40
    好! 如果找到的話再通知你好了~
    Hins
    Hins
    2008年7月6日下午10:55
    一枝爭幾蚊 呢d要長買 少數怕長計..
    回覆
    YAYA
    YAYA
    2008年7月7日上午2:26
    有時真係好想找批發黎買, 一入就入定一打! 咁就一定又平又方便了!
    Hins
    Hins
    2008年7月6日下午2:22
    好景後面 貴d喎 千里達30
    回覆
    YAYA
    YAYA
    2008年7月6日下午10:47
    因為近我搭返屋企個車站吧~ HAHA
    leung
    leung
    2008年7月6日上午11:24
    鬼面衝車係唔係自己念啊??
    回覆
    YAYA
    YAYA
    2008年7月6日下午2:15
    是啊! 亂砌的啊~ :P
    Hins
    Hins
    2008年7月6日上午10:51
    你平時去邊買架? 如果旺角既話 得返千里達有咋 我連廣華街都行埋 有買趁手 ps. 我未入貨 留返d比我…
    回覆
    YAYA
    YAYA
    2008年7月6日下午2:15
    你話33號黑色? 咁搶手?
    我平時去開好景後面間模型鋪買呢!
    Hins
    Hins
    2008年7月4日下午5:02
    yaya 隻33號黑色 有冇第二個size? 細罐唔係好夠用 好快用晒
    回覆
    YAYA
    YAYA
    2008年7月6日上午3:33
    好似得一種SIZE的, 我都正為此煩惱呢!
    Hins
    Hins
    2008年7月4日下午3:50
    hi yaya 之前你咪教我 用黑色做底色既 我有個問題喇 我用完你教既33號啞黑做底 如果我想隻bb戰士某一部份係黑色 咁我應該再上另一款黑色 定還是將個啞黑底色 當左面色就算?
    回覆
    YAYA
    YAYA
    2008年7月4日下午4:33
    絕對可以當面色, 唔駛油過呢!
    DANNY
    DANNY
    2008年6月30日下午11:07
    黑色幾好喎..
    回覆
    YAYA
    YAYA
    2008年7月1日下午6:47
    thx!
    long ere
    long ere
    2008年6月30日下午3:31
    唔該我想問下你改呂布個d關節係邊到買家???小弟弟見你改得好靚想學下教bb~thank
    回覆
    YAYA
    YAYA
    2008年7月1日下午6:47
    多謝支持! 關節我就多數去這裡買的! 因為近WorkShop
    http://www.hkml.net/Discuz/viewthread.php?tid=62171&extra=page%3D1
    Keith2000
    Keith2000
    2008年6月28日上午9:47
    多謝你玩具熊貓… 我仲有幾個問題問… (1) 原子灰上色會唔會上唔到??? (2) 之前我上網睇話如果要上色就整左凡士林之後先得… 尋晚試過用不地黎補D偷膠位… 點知失敗左… 連模型對手既武功都廢埋… htt..
    回覆
    YAYA
    YAYA
    2008年6月28日下午11:37
    原子灰可以直接上的的, 不用添加什麼東西啊!
    而你用的那一款畢地, 絕對不需合用來補偷膠的, 一來乾後會收縮, 二來入面是不會乾的, 這一款只可補一些淺的地方!
    或者你試一下Tamiya Epoxy Putty這一款造形..


    2008年6月27日下午9:05
    我有兩件事同你講:
    1 . http://hk.myblog.yahoo.com/kelvin_555 抄你野
    2 . 多d去我個blog回下 , OK?

    回覆
    YAYA
    YAYA
    2008年6月27日下午9:39
    十分多謝你的連結! 我已回報YAHOO小編輯!
    你模型方面要繼續加油, 可能我訂閱人數太多, 有時會忽略了! 或者有新作時可提醒一下喔!
    模魂志龍飛
    模魂志龍飛
    2008年6月27日下午7:44
    哈哈,鬼衝車,好過癮喔~我果只都磨得7788了,不過天氣甘樣,睇來都有排未得噴了……
    回覆
    YAYA
    YAYA
    2008年6月27日下午9:32
    依一隻關平係咁啱打風前太陽正盛時完成的! 真係好彩! 而家電擊作擺埋左一邊, 未得閒攪添! 真係好驚趕唔切 T.T
    Hins
    Hins
    2008年6月27日下午5:49
    hi me again 想問你隻光油呀 我買左隻藍色招紙 88ml 既消光 寫住水性 但我用既油係郡氏油性 咁隻光油 係咪唔岩用?
    回覆
    YAYA
    YAYA
    2008年6月27日下午7:51
    我都係用油性油, 而光油都是用郡氏油性的(灰罐透明蓋), 未試過用水性啊!
    或者你試完話比我知結果如何吧! 加油!
    Set
    Set
    2008年6月27日下午1:00
    hi, 咁你用雙星造形畢地定原子灰(我想跟你= =”),
    邊到有得賣?
    透明紅噴油同透明紅油邊到有得賣?
    我好想要陳宮, 高順同典韋…不過好似唔多會出…
    隻故仔去到官渡都未有許諸同張郃…
    如果BB張郃跟無雙..
    回覆
    YAYA
    YAYA
    2008年6月27日下午7:44
    原子灰本身不是模型用品, 所以要到五金鋪才會買到的, 而使用方法可以看看這一連結!
    http://www.modelvillage.net/course/15.html
    透明紅噴油同透明紅油可以去一些大型的模型鋪買到的!
    我就好想佢出黃巾三子了! 有得合體幾好玩!
    RESTARTER
    RESTARTER
    2008年6月27日下午12:57
    告訴你:灣仔街市有間鋪有齊所有三國士兵!(間鋪有好多扭蛋………….)
    翔之國士兵可去對面買,有齊全套。
    回覆
    YAYA
    YAYA
    2008年6月27日下午7:45
    多謝消息呢! 不過我唔想油咁多兵仔了~ 而且補偷膠會補到人都癲的啊!
    RESTARTER
    RESTARTER
    2008年6月27日下午12:43
    又是我 你用模型油或是gundaum marker?
    (多D去我的BLOG,比D意見或留言,最好加我做blog友 )
    回覆
    YAYA
    YAYA
    2008年6月27日下午7:48
    主力用郡氏mr.colour油性油! 未用過gundam marker!
    而我已到訪過你blog了, 不過暫時未見你製作的模型作品喔! 或者你有新作時通知我一下吧! 期待你的作品呢!
    Keith2000
    Keith2000
    2008年6月27日上午12:48
    唔好意思 我有問題想問…
    (1) 關平把刀的銀色和黑色是用什麼油上色??? 還是要溝色??? (2) 你說偷膠用原子灰,其實原子灰是什麼,在模型店可以買到嗎???
    麻煩你了^^…
    回覆
    YAYA
    YAYA
    2008年6月27日上午9:47
    1. 那些銀色是mr.colour特別電鍍金屬色, 其包裝紙是用金色及光紙包裝的, 號碼是2xx, 而且價錢比普通油貴一點, 上色後要用乾布捽才會亮麗啊!

    2.原子灰本身不是模型用品, 所以要到五金鋪才會買到的, 而..


    2008年6月26日下午9:35
    其實我發現有人抄你blog , 係張你呢個blog完全抄 ,圖同字完全抄 , 仲話係自己做 , 你知5知??
    回覆
    YAYA
    YAYA
    2008年6月27日上午9:35
    真係唔知添… 之前有blog友都回報過, 這些抄blog人真係唔知什麼心態… =.=
    或者你用私人訊息話比我知, 我再回報比yahoo小編輯這樣了!
    非常多謝你的資料提供呢! ^^
    Chun Kit
    Chun Kit
    2008年6月26日下午8:10
    我都打算咁油把刀!!
    回覆
    YAYA
    YAYA
    2008年6月27日上午9:31
    加油!!
    Yahoo! 用戶
    Yahoo! 用戶 2008年6月26日下午1:20
    赤兔馬條尾點油?
    回覆
    YAYA
    YAYA
    2008年6月26日下午5:57
    係用乾掃法的下面的LINK有講了~ http://hk.myblog.yahoo.com/ambroseyin/article?mid=3303
    火炎乾掃特別篇~
    “火炎乾掃”流程就是先油紅色作底色, 之後在調色盤內的紅色加少少黃混合成橙色, 再掃..
    RESTARTER
    RESTARTER
    2008年6月26日下午12:37
    赤兔馬條尾點油?邊到買到噴油?
    回覆
    YAYA
    YAYA
    2008年6月26日下午5:56
    係用乾掃法的下面的LINK有講了~ 而噴油去大型一點的模型鋪就有了 http://hk.myblog.yahoo.com/ambroseyin/article?mid=3303
    火炎乾掃特別篇~
    “火炎乾掃”流程就是先油紅色作底色, 之後在調色盤內..
    Set
    Set
    2008年6月26日上午11:53
    你d BB洗唔洗成日補色?
    我用TAMIYA PUTTY補偷膠, 不過另一面唔知點解令一面凹左, 點算?
    我隻呂布個頭想轉電渡紅, 我而且清除左d紫色, 油透明紅上去有冇問題?
    thx
    8月的呂蒙唔知點配色好= =”
    回覆
    YAYA
    YAYA
    2008年6月26日下午5:54
    TAMIYA PUTTY乾左好似會收縮的, 最好用雙星造形畢地或原子灰會好些呢!
    最好用噴的方法上透明紅, 手油的話一定一達達的, 小心~ 之後噴一層光油就行了
    吳國殺到黎先算, 我手頭仲有好多魏國啊 T.T
    Coffee Woo
    Coffee Woo
    2008年6月26日上午9:30
    正~~~~~~~
    回覆
    YAYA
    YAYA
    2008年6月26日下午5:49
    THX ^^
    kit
    kit
    2008年6月26日上午1:29
    佢新版的官方設定真搞笑,你唔講真係唔知!你咁整都也不錯,如果跟得足d肯定仲正。
    恭喜!恭喜!在日文版電擊見到你的作品呢!
    回覆
    YAYA
    YAYA
    2008年6月26日下午5:47
    我就覺得官方原設太長, 雖然有氣勢但唔似s-gundam, 所以細細地三塊就算了~
    咦!!! 真係有! 點解既? 等我遲D去買黎睇睇先!
    政豪
    政豪
    2008年6月25日下午10:35
    我完成了女神了…. 去我blog睇睇比下意見~
    回覆
    YAYA
    YAYA
    2008年6月26日上午12:09
    OK 睇睇先!
    Set
    Set
    2008年6月25日下午8:49
    用關羽個身真係好好多,
    而且原本大刀的雷射貼紙閃得太假啦…
    不過我都唔想入關平, 等下個月的趙子龍
    期待你的司馬仲達, 夏侯兄弟同孔明
    回覆
    YAYA
    YAYA
    2008年6月26日上午12:08
    哎呀! 比你一數原來仲有咁多未攪添!
    下個月仲有好多吳國海軍攻打啊!
    ToyKwonDo
    ToyKwonDo
    2008年6月25日上午1:57
    面甲正wor!! 唔介意o既等我都抄下橋 關平o既絞肉機係屈高lv武器首選!!
    回覆
    YAYA
    YAYA
    2008年6月26日上午12:07
    THX 隨便用~
    我也是每次都係用佢帶其他角色屈武器呢!
    Hing Piu
    Hing Piu
    2008年6月25日上午12:28
    咁鬼快既.,…….@@
    回覆
    YAYA
    YAYA
    2008年6月26日上午12:06
    太耐冇整SD, 所以特別有衝勁吧~ :P


    2008年6月24日下午10:25
    你做三國傳模咁利害 , 俾d意見我隻改造曹操 , ok?
    http://hk.myblog.yahoo.com/tiknuhcua
    回覆
    YAYA
    YAYA
    2008年6月26日上午12:05
    分色好有創意! 不過相片不太清楚呢!
    沛文
    沛文
    2008年6月24日下午10:21
    咁快手@@
    回覆
    YAYA
    YAYA
    2008年6月26日上午12:04
    haha 可能冇乜偷膠位是補吧!
    5thLuna
    5thLuna
    2008年6月24日下午10:06
    so rapid work! wonderful as always :D congrats!
    回覆
    YAYA
    YAYA
    2008年6月26日上午12:03
    thx your support! ^^
    Hins
    Hins
    2008年6月24日下午9:29
    丫 仲有 我想向油色之前 先上一層底色 應該好似你之前整曹操咁 上黑色好d 定還是上灰好d??
    回覆
    YAYA
    YAYA
    2008年6月26日上午12:03
    我自己就鐘意上黑色! 原因這一篇講過了~ http://hk.myblog.yahoo.com/ambroseyin/article?mid=3303
    Hins
    Hins
    2008年6月24日下午9:16
    好 唔該你 金色 我幾鍾意用高達筆油 用高達筆金色油 油完 可唔可以噴光油??? 我果枝係mr. hobby 藍色樽 寫住水性果枝
    回覆
    YAYA
    YAYA
    2008年6月26日上午12:02
    雖然可以噴光油, 不過其他顏色全是光澤的話效果不太好看喔!
    crabchiu
    crabchiu
    2008年6月24日下午8:08
    又快又正﹗﹗加油呀﹗﹗
    回覆
    YAYA
    YAYA
    2008年6月24日下午8:54
    thx! 你條腰都要加油呀!!!
    Ertretfsdg
    Ertretfsdg
    2008年6月24日下午7:57
    同孩之寶一樣!搞小小就是隻關平…………
    出一隻模型到係搞得果小小……..
    會唔會係小小不足?
    佢就好像搞xxxx小小就話e個係xxxxx咁…………

    回覆
    YAYA
    YAYA
    2008年6月24日下午8:53
    有時真係唔知佢地點諗, 可能怕關平太冷, 所以cut成本, 但佢地出成咁就只會冷上加冷啊~
    .
    .
    2008年6月24日下午7:42
    點樣補土-0-
    教下新仔>< 你改得好型呀!十卜十卜你的 回覆 YAYA YAYA 2008年6月24日下午8:52 我今次轉用了原子灰補偷膠, 你可以去五金鋪買到的, 只要用佢包埋的紅色堅硬劑混合, 比例上一大湯匙才需三粒米份量紅色堅硬劑就夠了! 10分鐘唔駛就開始硬, 好方便的! 新手 新手 2008年6月24日下午7:08 真係好期待你 夏侯兄弟同孔明的作品T^T 回覆 YAYA YAYA 2008年6月24日下午8:49 可能要等電擊後了~ 多謝支持呢! 新手 新手 2008年6月24日下午7:02 5改的話真係以為佢係劉備個仔... 我幾鐘意刀的閃貼但係改了色後... 同關羽把刀合埋之後就5太靚/_\ 我也抄了你些少^^ 回覆 YAYA YAYA 2008年6月24日下午8:48 2把刀合埋次數應該好少, 因為外型根本不太襯呢~ Hins Hins 2008年6月24日下午6:14 唔該晒!!! 另外想問 郡性油性油既開油水 應該用邊隻 我見到有兩款 一隻藍色招紙 一隻黃色 我係手油既 唔該 我有買透明既三國傳 但製作時有好大問題 a) 水口點整? 沙紙會磨花佢 b) 有少量既顏色要.. 回覆 YAYA YAYA 2008年6月24日下午8:35 藍色係普通油用, 黃色是金屬油用的, 會令金屬色更順滑更閃, 不過我就覺得手油上差別不大, 可能用噴的話會明顯好多~ a) 水口用600-800號沙紙輕輕磨一磨就行了~ b) 如少量出界, 可以立即用界刀輕輕刮走, .. warxv warxv 2008年6月24日下午5:43 之後吳國精兵盡出有排油呀! 說明書就第一款我已經妖緊了...呢款用回劉備個身又係令我卻步的原因. 回覆 YAYA YAYA 2008年6月24日下午8:30 除左有排油! 仲有排補偷膠位啊~ 不過今次轉用原子灰, 真係又快又方便左好多! 其實說明書係唔係睡橫巷負責的呢? 比細路睇到真係教壞佢地... RESTARTER RESTARTER 2008年6月24日下午5:42 我是一個新手,請問怎樣補膠和點改塊面。種有,點解我油d金色唔靚! Thank you 回覆 YAYA YAYA 2008年6月24日下午8:27 今次我用左原子灰黎補偷膠, 所以特別快完成呢! 而塊面改法是: 將左右邊那三塊尖甲最下面果塊cut走但留用, 修正打磨一下cut走果一塊尖甲, 再貼上前方那左右各二個的正方氣孔上, 最後再用膠版界左右各3條三角型.. speedergary speedergary 2008年6月24日下午4:52 快手得你啊.......好鬼靚..... 關平好似細隻過關羽 回覆 YAYA YAYA 2008年6月24日下午8:21 其實係關羽特別大隻呢! :p Hins Hins 2008年6月24日下午4:21 sorry 用錯ac 頭先個留言 麻煩你del左佢啦~ hello~ 我係無國界 問你滲線果個呀~ 你話畫完就即刻擦 怕唔怕d黑色會化? 另外 yahoo blog果到 想問返你用d咩語法 可以整走最下面既廣告同埋左面d .. 回覆 YAYA YAYA 2008年6月24日下午8:17 !(之前太忙, 打錯哂字添!) 其實一上線就會立即乾了, 只要擦膠夠乾淨就行了! 仲有千期唔好噴完啞色後上線! YAHOO 果到好似冇得整走廣告的 不過BOX就可以按上邊黑色的banner內 編輯版面後→之後按每個box右上角的x 刪去~ Sprite.z Sprite.z 2008年6月24日下午12:23 好有氣勢,魄力滿點!!!Great job~~ 回覆 YAYA YAYA 2008年6月24日下午4:35 thx! 所以好鐘意sd三國系列的呢! 紫秤 紫秤 2008年6月24日上午10:56 我未得閒砌呀 噚晚先得閒同佢全件噴油 黑色太正XD 回覆 YAYA YAYA 2008年6月24日下午4:34 加油呀!!! 等睇你成品喔! 北極雪狼 北極雪狼 2008年6月24日上午1:54 講解下塊面點改咧 回覆 YAYA YAYA 2008年6月24日上午11:33 塊面好簡單, 都係用返劉備面甲, 將左右三塊尖甲最下面果塊cut走但留用, 之後修正一下cut走果一塊膠件, 再貼上前方那左右各二個的正方氣孔上, 再用膠版界左右各3條三角型的氣槽位就行了! Hins Hins 2008年6月24日上午1:54 好耐冇見你d三國傳新作喇! 夏侯兄弟 諸葛亮冇買? 回覆 YAYA YAYA 2008年6月24日上午11:27 買左, 不過見佢幾複雜下, 而且未諗到改什麼色好, 所以擺埋左了~ 或者電擊後才攪好了! gary gary 2008年6月24日上午12:58 嘩,洗唔洗快成咁,仲要整得咁掂添 回覆 YAYA YAYA 2008年6月24日上午11:26 thx! SD唔難油啊! 係補偷膠麻煩之麻~ 龍千影 龍千影 2008年6月24日上午12:26 嘩.... 快、令、正! 綠色和金色既配塔很不俗呢!~ 回覆 YAYA YAYA 2008年6月24日上午11:25 thx! 今次冇乜大改色, 因為我諗住成個蜀國都係暗綠色呢! Wahlo Wahlo 2008年6月24日上午12:13 熊哥!你唔係快手成咁丫~!!!??? 仲要掂o個隻wor 回覆 YAYA YAYA 2008年6月24日上午11:24 THX啦! 你攞比我果日係WorkShop跟手砌埋, 發覺偷膠位好少, 所以夜晚跟手油埋了! Kelvin Kelvin 2008年6月24日上午12:11 系咯.D金色手塗的?塗得好好啊..用邊只金色黎塗的? 肚磁綠色果個系咪寶石黎的?有無大D的圖?成SET作品都好好啊! 回覆 YAYA YAYA 2008年6月24日上午11:13 金色係用MR.COLOUR 9號, 加少少透明黃及透明橙溝成的呢! 而寶石是裝飾手電用的水晶貼紙來, 係手機鋪就買到唔難找的~ 多謝支持呢! Elljay Elljay 2008年6月23日下午11:51 嘩~~~你老兄~快手得你啊! 好嘢!靚仔!!但始終中意關公多D,起碼自己做過有感情D~~~ 回覆 YAYA YAYA 2008年6月24日上午10:30 隻關公要有條靚磅住至更有氣勢麻!!! XD 不過你好似送左比人喎! 整多一隻吧! Yahoo! 用戶 Yahoo! 用戶 2008年6月23日下午11:29 太正了! 關平改左塊面即刻冇咁似劉氏子孫...仲有把大刀唔用貼紙正很多呢. 我都係岩岩先搞掂夏侯兄弟, 呢隻都有d心郁添~~ 回覆 YAYA YAYA 2008年6月24日上午10:27 你一提起夏侯兄弟, 我都唔知幾時有時間攪佢地添! Jasonksm Jasonksm 2008年6月23日下午10:30 大大好快手喎。好靚。 回覆 YAYA YAYA 2008年6月24日上午10:27 THX! 主要佢偷膠位較少, 可以快好多呢! 九龍宋公明 九龍宋公明 2008年6月23日下午9:49 越睇越鍾意你既ver.~!!隻關平好靚啊~!!!!!!!! 回覆 YAYA YAYA 2008年6月24日上午10:26 一班咁先有氣勢麻!! 九龍宋公明 九龍宋公明 2008年6月23日下午9:48 用關羽做身真係全神好多~!! 咁短時間加左咁多補品~!! 個S面罩好掂~!!我都會改左先油~!! 我想改到佢咁型啊~!! 回覆 YAYA YAYA 2008年6月24日上午10:25 其實都係用模型架D膠改, 唔難的啊! 我就覺得佢塊面果三塊誇張左, 唔太似S-GUN呢! Man Yip Man Yip 2008年6月23日下午7:52 我有4個問題 1 . 光油同半光油有咩唔同,邊樣好d ? 2 . 油mk金後再噴光油/半光油可唔可以有噴閃金的效果? 3 . 上完色再噴光油/半光油會唔會甩色? 4 . 消光油係咩 ? 回覆 YAYA YAYA 2008年6月24日上午10:22 1.光油好似車身打蠟咁光澤的, 半光油就好似皮甲打蠟咁啞少少的! 2.金屬色用噴係絕對好過手油好多的呢! 3.咁會有保護作用更不易甩色的啊! 4.令所有油變成啞面沒反光感! 希望幫到你吧 可羅索 可羅索 2008年6月23日下午7:51 嘩,好鬼快 手.... 我盒都未開,改完 英好多~ 咁先似s ,之前根本係z面= = 回覆 YAYA YAYA 2008年6月24日上午10:17 我將佢個奶咀磨尖左少少, 之前係劉備身, 關羽甲, 張飛頭吧~ XD Nicholas Chung Kei Nicholas Chung Kei 2008年6月23日下午7:37 HOW MANY DOLLARS 回覆 YAYA YAYA 2008年6月24日上午10:15 $45 幾貴呢! Jacky Ho Jacky Ho 2008年6月23日下午7:36 一於跟你咁改改個面罩先~~~~ 回覆 YAYA YAYA 2008年6月24日上午10:15 好! 其實唔難改呢! Louis Wong Louis Wong 2008年6月23日下午6:51 熊貓兄XD今次配色好正WOO 經你既教導 我都油左隻關平了XD 得閒過泥睇 俾下意見 回覆 YAYA YAYA 2008年6月24日上午10:15 你上得很好啊! 甚至比我更好呢! 我有好多地方好馬夫的啊~ 紫秤 紫秤 2008年6月23日下午6:19 你都砌得好快... 我本來好鍾意S-GUN 但係見倒冇興趣買了 搞掂我部OVERFLAG先算 回覆 YAYA YAYA 2008年6月24日上午10:12 其實佢造型幾靚仔的,如果未買過劉備的話, 可以一入的~ 你部OVERFLAG完成時記住通知我睇呀! 一匹小狼狗 一匹小狼狗 2008年6月23日下午6:08 顏色配的真好,要偷學....... 回覆 YAYA YAYA 2008年6月24日上午10:10 哎呀, 大家交流不算偷吧! 好期待你的超可動改造喔! Tan Tan 2008年6月23日下午6:05 我都对这次的关平很失望!!!! 完全是用刘备的素体,跟本就毫无诚意!!!!! 连脚都没改!!! 不过还是会买,谁叫我是三国迷!!! 回覆 YAYA YAYA 2008年6月24日上午10:09 我也是很失望, 不過盔甲造型又真是不錯的~ 所以都是買了, 失望的地方就自己改好了... Dicky Dicky 2008年6月23日下午4:37 我都入咗劉、關、張了...目標是五虎將!!! 但我一直都買不到金色噴油... 回覆 YAYA YAYA 2008年6月24日上午10:07 馬超同黃忠真係有排先出場, 好想睇下黃忠造型係點樣添! Carloks Carloks 2008年6月23日下午4:30 快靚正~ 把刀唔用閃光貼,好睇好多 回覆 YAYA YAYA 2008年6月24日上午10:06 THX! 其實閃光貼唔錯, 不過唔襯我用開的風格吧~ Alex Alex 2008年6月23日下午3:40 要加埋周倉先夠照。 回覆 YAYA YAYA 2008年6月24日上午10:05 都唔知佢幾時出~ 不過周倉造型唔錯呢! jacky jacky 2008年6月23日下午2:56 上色很靚......請問在金色上用乜嘢色滲線????????????? 回覆 YAYA YAYA 2008年6月24日上午10:04 用了啡色的高達0.5線筆來上的呢! 政豪 政豪 2008年6月23日下午2:48 係呢...你d黑線同啡線係唔係自己上?(我意思姐係唔係滲) 回覆 YAYA YAYA 2008年6月24日上午10:05 其實我只係用高達0.5的線筆畫線, 好懶呢~ 政豪 政豪 2008年6月23日下午2:46 我就等7月先買.... 我都時會用關羽既裝甲加到關平既甲到.... 但係我重未買到雙關節(次次都冇貨- -) 我連 MG 烈火武者頑太無 都要買....... 不過等佢到250幾價位先入...... 回覆 YAYA YAYA 2008年6月24日上午9:43 大雄沒有嗎? 上次我看到都有喎! MG 烈火武者頑太無 唔知之後會不會出HG呢! KTH KTH 2008年6月23日下午2:00 快靚正~ 無雙大蛇中我覺得最勁係左慈喎, 高攻+超大範圍招式 回覆 YAYA YAYA 2008年6月23日下午2:28 左慈都好強, 不過關平C3絕技有秒殺修羅級大將能力啊!

發佈留言

發佈留言必須填寫的電子郵件地址不會公開。 必填欄位標示為 *


*