終於影好相，之前第一批相因為太暗關係衰了！又沒射燈的情況下！唯有用原始方法～手電筒吧！
之後又要花好多時間在電腦執色上…所以模型村GM版聚後那麼到現在才Post！真是十分抱歉要網友等那麼久T.T (想睇清楚些的話要去相簿先得呢！)
製作方面：如果大家眼利的話，應該看出本機體所用的零件是用非常多模型混合而成，零件主要是用以往很多改裝完不要的散件(又名機體垃圾場)亂併合，所以成本又唔係好貴呢！而本機體共有兩段變身－普通人型模式及重裝衝擊火力型！(本機體咁重型既次要原因是有版友說要鬥火力呢！)
頭：頭部本來是想用寒吉頭的(因為GM版聚麻！)，不過咁啱手頭上有一盒硬直版105 Dagger頭，一試之下估唔到好啱位，變衝擊型時竟然唔駛拆頭添！(好在版聚時版友當佢GM…)
身：身體及背主要用了Forbidden禁斷的，主要貪佢怪怪的變型系統，而且好喜歡佢四方硬朗的線條！所以仲特意加埋同樣硬朗線條既陸戰型GM的腳，令整體造型變得更合拍！
尾：就用了Armercode的盾部武器散件！覺得盾內部機械造型看起來好像一部發電機！之後還加上兩條電纜令機體重裝得黎能源供應方面合埋多少少！
腳：為了令變型後還能高速移動的方式更合理一些，特別加上一盒不是高達模型的氣墊腳，不過是什麼動畫的機體就忘了！
武器：背後兩支重型火神砲是1/100MG模型來的，是本YA最落重本的地方，之前仲有些唔捨得比佢用，不過加左之後又好夾喎！而背包前端加了大型砲口，衝鋒開路更方便！
配色：完全參考105 Slaughter Dagger 既配色！(遲些可能油多隻同色的Dagger來製作CG呢！)而因為混色時光線不足關係(為趕版聚通宵上色唷！)，顏色溝得太暗了，出來效果不太理想！但好意外地有實戰feel，因為好多版聚相本YA的機體都好像隱形了呢！:p
今次模型村版聚感覺真是不錯，人雖然不太多，但個個都是對模型有誠意兼熱血愛好者，當時大家又好積極地分享製作心得！好期待下次的版聚來臨呢！
回 阿柱 : 如果唔係版聚迫出來…我諗我到依家都未油好… 回 金城 : 其實都係將零件垃垃雜雜砌埋一齊吧了! 你們的作品才真正用心機呢! ^^
好有心機改造喎~~~。
好佩服，少一點恒心毅力都做不到，而且效果十分好！
回 Warxv : 原來叫機動艦隊! 隻腳咁配合到真係連我都估唔到! 只係改短入面球型關節短少少就得了! 吉姆頭試過了, 可能吉頭額太大, 變型時會頂住呢t.t 回 小王子 : 名依樣野亂黎! 只係打D英文係圖片上High少少咁! XD 回 waihocomics : THX 呢! 不過好多人都接受唔到將D機體亂砌呢!
正呀！陸獸FEEL！「賣飛佛」！
"重裝兇殘屠刀" 真係聽個名都殺哂!!
好重型重戰吉姆,我喜歡的style!氣墊腳跟陸戰吉姆出奇地配合.(氣墊腳應該出自機動艦隊..好像是差不多的)如果有個吉姆頭就更好了.