5‧16 的投票宣傳！好掂！
身邊真係好多前半段既人…
不過自己一定會去投票的!
回應一位BLOG友的私人留言：
Ａ君：我覺得他們的行為同細路仔搞搞震冇咩分別,政府點都5會變,始終hk都係同中國痴埋一齊,好難5受大陸中夬的影響,就算hk人點努力都冇用…………算了,我對hk的未來和民主感到絕望……………..
YA：如果你問我關於公投意見，我建議你自己四圍搵多些深入資料, 然後細心分析每人咁做既的背後原因, 唔好盲目信大眾傳媒既表面訊息.
你話佢地搞搞震，咁佢地為乜要咁搞搞震呢？之前民主派時期，真係無人咁做，佢地依足規矩做又真係乜都做唔到喎！仲要由97到而家都無作為，你睇領滙事件、廸廸尼事件、流感疫苗事件(過期倒落海既疫苗仲貴過變相公投用既錢…)、縮水樓事件、強拍事件、辭職高官明目張膽過檔地產商事件、高鐵事件及菜園村強行清拆事件！仲有好多未數… 你就知遺禍越黎越大～
點解無人反對到議案？因為每次民主派佢地用正常立法途徑提出議案投票，每次”民建聯”同”功能組別”一定能成功反對！
而功能組別更加唔係我地一般大眾可以選的，係一些受大陸控制的大財團選出來…
第一級公民可以選特首800人(國內官員及有錢商家)，第二級公民可以選建制派(一部份國家指定商家)，我地一眾平民就只可以選議員…即係話受大多數香港人正式選出來既人，反而最無權力…
多數香港人所選既議員根本唔夠政府玩，只因為政府出術！有心人要改變局勢，就迫住要利用一些法制漏洞，加上吸引人注意動作(而家香港人就係咁，嘩眾取寵先留意…)，叫多D人一齊參加,，這些只是想多些人知既手段黎！目的都係想對香港政制有返一些作為吧！
咁好似你話掟蕉就激進，定係前人放土制炸彈及鼓勵暗殺對手邀進呢？而唔掟蕉又有幾多媒體會報導個立法會呢？唔做吵鬧動作又有幾多個香港人會留意下呢？可惜依一種手段就好似雙面刃咁…
政府及建制派又好懂得利用大眾傳媒妖魔化對手… 加上好多傳媒都已經比政府收買左，用一些假道學分散事件既目的，大家根本收唔到事件既真正訊息，好多人都睇表面就人云亦云… 有時將錯誤的東西人云亦云，同助紂為虐係無分別的…
就舉一個近排發生的商台謝超人衝入去選舉論壇攪局事件為例：點解你會覺得成班人都係流民咁？因為謝超人咁做，就係想將正正經經既討論攪亂局，”無賴化”個討論就能將大家注意力去左罵戰及非禮事件度！而你再分析謝超人背後目的的話，你都知佢係”功能組別”，佢唔係我地選入去既，佢以住做既事不嬲都只想要知名度而唔要面子的(例如變超人及裸照停牌事件)，謝超人咁做完一來可以成功醜化整個討論，又可以轉移話題～你見而家大部份傳媒報導當日討論內容多定係”非禮事件”多？而佢咁做阿爺仲更加會保佢下一屆繼續做功能議員添！所以你話政治就係咁黑暗, 但想深一層，又真係咁兒戲…
點解今次變相公投我一定去投一票，不滿政府官商勾結得太核凸是其一、
二來～上次六四集會明明有十萬人參加(我都有去的)，警方都可以話得三萬，好不忿！
三來我都對香港政府大陸腐敗化心情一早就好灰…自己又無乜能力去改變… 以往都同你一樣，只可以坐在屋企長嘆…
但今次咁啱有一個咁好既機會, 有人用佢地有限既最大職權能力, 辭職比我地一個有官方正式記錄之餘，又可以對政府表達不滿既變相公投機會喎！就算明明知係無實質法律成效，但可以明確咁話比政府聽我而家好不滿！好嬲！我地唔係愚民來的～呃唔好呃咁核凸咁盡好喎！所以…
與其坐係到感到絕望，點解唔去投一票發洩下？
講返好似23條咁，唔係咁多人出黎行，你估坐定定係屋企政府會自動發覺有問題而收返？但係而家出黎行都無用，因為所有遊行人數係可以被政府取巧的…
或者我文筆不好，你可能睇唔太明我主要想講乜，咁不如比些網頁你睇睇：
孩子‧請你一定要懂政治：
http://wlf43.pixnet.net/blog/post/26629364
一個比較中肯的時事評論節目～譚志強頻道：
http://www.hkreporter.com/myradio/channel_list.php?channelid=5
yat hang 2011年1月27日下午1:02
請問電動打磨器係邊買??
回覆
YAYA
YAYA 2011年1月27日下午1:39
在深水埗鴨寮街兩旁電器鋪買呢~
Yahoo! 用戶
Yahoo! 用戶 2010年6月11日下午6:39
辣雞及插座邊到買?
回覆
YAYA
YAYA 2010年6月18日上午10:14
都是在深水埗的鴨寮街內的電器鋪買的呢!
Ryan
Ryan 2010年5月20日上午12:51
你講既另一種形式係唔係換件
回覆
YAYA
YAYA 2010年5月20日上午10:23
嘿嘿, 當然唔係啦~ haha
▍疲思 ▍
▍疲思 ▍ 2010年5月18日下午6:36
恕我離題
想問問SD改手肘關節應用哪些PC膠?
有沒有現成的一塊買?
回覆
YAYA
YAYA 2010年5月19日上午10:17
我所知就無一大塊pc膠咁買的~
自己多數用”關節技”那些東東來改多~
一些大型的模型店應該有得買了!
Ryan
Ryan 2010年5月17日下午10:46
所以我用灰色關節技囉 都唔洗一定用關節技 係L形關節都有呢個較果
回覆
YAYA
YAYA 2010年5月18日下午3:15
因為怕吃力不討好…
我仲諗緊,不過隻眼唔郁, 玩另一種表達方式好了~
一年戰爭高達迷
一年戰爭高達迷 2010年5月17日下午3:09
好少見YA大寫政治，仲要咁有紋路，分析得咁細緻！
516 我都有投 ~
希望將來有所影響吧 ~
回覆
YAYA
YAYA 2010年5月17日下午10:25
文筆不行啦~
只是希望盡少少香港人的責任吧了~
JKL
JKL 2010年5月17日下午12:22
隻眼諗到点向上望未呀?
回覆
YAYA
YAYA 2010年5月17日下午12:58
成個星期六日只做好電池位及開關… 仲要整爛左3個開關先成功…. 好頭痕…. 諗住整左把槍先, 最後才整眼…
如果真係唔夠時間, 就只上下動好了!!!
常威
常威 2010年5月17日上午10:07
論點清晰，例證確鑿，說服力強！
十卜十卜！
回覆
YAYA
YAYA 2010年5月17日下午12:56
THX~ 真是好久沒打這麼多字了!
crabchiu
crabchiu 2010年5月17日上午12:11
個個都做拉登………
回覆
YAYA
YAYA 2010年5月17日上午1:20
有燈神親自指點喎! 硬係要試下啦!
不如你唔好打機又做下拉登丫~
Yahoo! 用戶
Yahoo! 用戶 2010年5月16日上午1:53
yes,五.一六 五區公投!全民起義!
回覆
YAYA
YAYA 2010年5月17日上午1:18
票已投了!!!
Ryan
Ryan
2010年5月15日下午10:36
單眼機我會將圓形LED頭切短磨圓盡量令燈光集中一點 遮光我會用空心圓膠棒油黑套住LED ●—←關節技粒珍寶珠 ∪←關節技粒杯 ＿◎□←渣古個嘴 唔知你睇唔睇得明 我既意思大概係咁 粒杯唔黐死 咁佢可以左右轉同向上..
回覆
YAYA
YAYA
2010年5月17日上午1:18
之前我已SD單眼機都係咁改, 我都有諗過這個改法,
因為依一種球型關節膠質唔方便上色, 一上色就好易痴死或爆膠…
唔上色就漏光好嚴重…
等我再諗諗佢先! 多謝提供啦~
Chui
Chui
2010年5月15日下午7:38
五.一六 五區公投!全民起義!
回覆
YAYA
YAYA
2010年5月17日上午1:13
票已投!!!
Alvin
Alvin
2010年5月15日下午4:50
但係關節既parts F2真係好差….. 我仲諗緊有無需要用到第二隻MG既骨架, 但係如果真係要用就要犧牲多隻MG 成本大大增加._______________.”
回覆
YAYA
YAYA
2010年5月17日上午1:13
好多我改HG1/144成本底好多呢~
S.Y.
S.Y.
2010年5月15日下午3:44
大手術 ！二合為一！ 剩低啲零件可唔可以啪多隻完整嘅渣出嚟呢？
回覆
YAYA
YAYA
2010年5月17日上午1:12
HAHA 當然不能啦~ 不過佢已成眾多預備零件之一了~
Yahoo! 用戶
Yahoo! 用戶 2010年5月15日下午2:22
(Empty)
回覆
YAYA
YAYA
2010年5月15日下午2:55
(Empty)
Alvin
Alvin
2010年5月15日下午1:41
我都諗緊整隻MG狙擊型F2….不過”毛蟲入手”……
回覆
YAYA
YAYA
2010年5月15日下午2:54
希望我比到個大約改造方法你參考啦~
而家改燈都改到毛蟲入口…
楓
楓
2010年5月15日上午4:25
請問一下 燈既開關制係邊度買？我行左鴨記好多轉都搵唔到有…
回覆
YAYA
YAYA
2010年5月15日下午2:53
其實好多鴨寮街鋪頭都有, 因為太細, 好易走漏眼~
其實你只要入到去問職員指路就行了~
Ryan
Ryan
2010年5月15日上午2:25
144玩燈用果隻線可能太粗 呢隻辣雞多頭換係幾好玩 不過替用品比較難搵 小心唔好整壞或整唔見 尤其銀色果個尖焊嘴 我以前整過1/100大魔 最近整過太史慈 眼用左一粒勁細類似關節技之類既物體 令LED可以十字形活動 ..
回覆
YAYA
YAYA
2010年5月15日下午2:51
你既方法都唔錯, 不過我除左想可動之外, 最緊要解決漏光問題… 而且關節技果款都唔細, 所以好頭痕…
rew
rew
2010年5月14日下午8:22
我覺得他們的行為同細路仔搞搞震冇咩分別,政府點都5會變,始終hk都係同中國痴埋一齊,好難5受大陸中夬的影響,就算hk人點努力都冇用…………算了,我對hk的未來和民主感到絕望……………..
YaYa大..
回覆
YAYA
YAYA
2010年5月15日上午12:22
因為我打左太多字，不如我係內文發表下我對今次公投既意見
figma我唔係隻隻都買，因為好多我都唔識佢！
幾靚都無用 ＸＤ
而且佢又唔平，我都係留Ｄ錢買其他模型好了～
地理堂
地理堂
2010年5月14日上午11:50
白痴一問：點解你個新辣雞插座有塊海綿嘅？請問用來做甚麼的？
回覆
YAYA
YAYA
2010年5月14日下午5:09
佢地話用之前濕少少水,辣完之後係上面畫幾下洗下個辣雞頭喎~
其實我都唔知咁詳細呢!
mew
mew
2010年5月14日上午10:14
電動打磨器買左幾錢？好齊全
回覆
YAYA
YAYA
2010年5月14日下午5:07
我好耐好耐果時買唔駛一條魚… 佢地依家買要250….
孤月影
孤月影
2010年5月14日上午8:48
set辣雞不錯呢!!
回覆
YAYA
YAYA
2010年5月14日上午9:37
我仲未開始用到, 用完寫一寫份報告先~
Ball
Ball
2010年5月14日上午2:01
段片好正!! 即刻放上飛卜先 熊霸終於回歸了…
回覆
YAYA
YAYA
2010年5月14日上午9:37
反諷宣傳法真係用得好好~
希望大家唔好浪費依一個叫政府做好D既機會去投一票啦!
我不嬲都砌緊野… 不過下下砌到一半就有新火頭之麻…
Joanna
Joanna
2010年5月14日上午1:26
>口< 好想食呀......睇見就肚餓.............. 回覆 YAYA YAYA 2010年5月14日上午9:34 今晚食飯我攞包出黎攞~ 青 青 2010年5月14日上午12:34 咁先似樣嘛~ 雖然遲左d.... 回覆 YAYA YAYA 2010年5月14日上午9:33 嗚嗚嗚, 人地已經好努力控制住自己唔打機的了~ ho sing ho sing 2010年5月13日下午7:24 必先利其器真係冇錯 回覆 YAYA YAYA 2010年5月14日上午9:32 係~ 有左把電打磨, 真係好輕鬆做人手做唔到既野~ SkyBlue SkyBlue 2010年5月13日上午11:58 黎喇黎喇，終於都等到你開工........ 手關節改得好啊！ 回覆 YAYA YAYA 2010年5月13日下午3:33 不嬲都有開工喔~ 不過進度好慢之麻~ 多謝蟻仔欣賞啊! 文軒 文軒 2010年5月13日上午10:03 等我依家即刻儲錢,買部rx782 + 齊料 砌先!!! 成品到時俾你睇下~ 回覆 YAYA YAYA 2010年5月13日下午3:32 好! 等你!! 文軒 文軒 2010年5月13日上午8:57 包薯條超好味超正!! ps我係你教手油技巧度發問左,麻煩解答^_^ thx 回覆 YAYA YAYA 2010年5月13日上午9:37 包薯條真係會食到上癮的~ 好! 等我去睇睇先! Godzilla . ex Godzilla . ex 2010年5月13日上午8:56 改為長距離攻擊型,又好配合... 回覆 YAYA YAYA 2010年5月13日上午9:39 我本來想將部狙擊舊渣變狙擊渣, 不過咁啱青頭領吹雞~ 就乾脆變成F2渣了~ 如果以uc歷史黎講兩部機體其年代應該差好遠吧~ Tsz Chun Tsz Chun 2010年5月13日上午2:31 我對set辣雞有興趣! 裝上刀片個個頭就係一把真正既高熱斬艦刀 回覆 YAYA YAYA 2010年5月13日上午8:56 我仲未敢用把熱刀住... 咁厲害易出事麻~