嘩哈哈笑笑團‧復活節廣州之旅~第一天

成個復活節假,本YA積埋咁多留言唔回應~失蹤左咁耐去左邊?

就係趁今次復活節加清明長假期,同一班模友去多一次上廣州攞!

今次 “嘩哈哈笑笑團‧復活節廣州之旅” 都係由謝SIR帶隊~

團友有:謝氏一家三口、蟹SIR伉儷、蟻仔、公明、毫三子、小TomTom、本YA及本YA的朋友Bobby!途中仲有”龍飛”加入!一行12人浩浩蕩蕩殺入廣州了!

由藍田坐直通車到皇崗,謝SIR預計到長假期上大陸會好多人,好貼心地Book了一部大車上廣州,所以全程好輕鬆,謝SIR果然係”堅地胆*”黎呢!

*註:各Blog友想知”堅地膽”是什麼,請到公明這一篇留言問佢吧!
Link:模型人.廣洲行@笑笑團2010春季食玩團

↑上次”冰鎮鰻魚片”食到停唔到口,一到廣州第一餐當然要回味一下啦~
可以看這篇回顧一下:國慶廣州動漫之旅Part01 首晚狂熱宵夜篇

↑行程第一站就係 “廣州購書中心” 也可以講天河書城區~

↑今次雖然搵唔到美術素材碟,但買到好多本正書!
其中一本就係 “幻想+畫集” 第二冊了!本也間中就有買開月刊的,一見畫集內容咁正,當然立即買啦!
不過最可惜就係搵唔到第一冊… 唔知各Blog友有沒有見過呢?

↑齋睇部份場景插畫就令本YA整場景癮發作了!

↑本YA最喜歡這一種西方神話風格的了!

↑這盔甲設計真係型到丫~

↑左邊的時裝書,對模型配色真係好大幫助!
而右邊的廣告書,就是職業上需要看看的了!

↑第二樣必買品,就係油筆了!
P.S. 中間一SET五支的是在龍飛介紹的地方買的~

↑謝SIR仲特別介紹2支畫細節必定用到的0000號油筆!係香港好難找到的呢!

↑筆毛比000號更短,所以上色更就手呢!

↑龍飛話今期”模魂志”入面超細既戰錘公仔就係用依幾支筆油的了!

↑咁細隻都油到咁豐富既色調,除左筆之外本身都要有一定技巧才行啊!

↑睇完書唔經唔覺就夜晚了!所以走了天河附近的”中國芳”食晚飯了!

↑超級好味的小籠包!多汁薄皮,係香港真係好難搵到!

↑成碟餸既重點唔係隻雞,而係下面的好香的糯米飯啊!

↑看來好辣的麻辣牛,但辣程度比起蟹SIR成日食的”川味巷”還差好遠呢!

↑這個睇落好似好酸咁,原來味道好清呢!

↑食飽飽當然繼續有節目啦!

↑本YA成年幾無唱過K了,估唔到佢地唱得咁癲!真開心~

↑就係咁,當晚就唱左5個鐘,勁歌熱舞過後,玩到深夜三點先返到房訓了!
P.S. 估唔到龍飛咁唱得跳得!男女聲通殺!雖然拍了片,但唔敢公開啦~

續...

 

P.S. 無理個BLOG成個假期,垃圾留言多到癲左…

加上有成幾百張廣州相要執… 攪到各Blog友留言都覆唔切添!

本YA一定會找回覆的,請耐心等候一下喔~

Bookmark the permalink.

31 Comments

  1. sorry!!! help help 我la!
    [版主回覆04/13/2010 10:03:00]你要尊重別人的創作權啊~ 唔可以唔問過人地就壇自攞黎用的!
     
    不如你改左先或去禮杰兄個blog問下佢先丫~

  2. 預一點半啦,買o左係咪上 workshop 開工?
    咁 workshop 有無其他工具?油泥呀,積木呀………之類呀,果o的野?
    [版主回覆04/12/2010 15:42:00]點半ok~ 之後硬係上ws開工啦! 不過你會幾點走? ws 複件工具係百無的~ 我諗住帶我自己用開果d上去啊~

  3. 星期六你唔使返工咩?等你放工先都得。
    否則咪12點後呀,一點呀,兩點呀咁o羅。
    [版主回覆04/12/2010 15:00:00]我星期六唔駛返~ 不過早唔到起身啦~ 1點~2點最好呢!

  4. http://newlink.silver.yp.com.hk/
     
    富聯的營業時間,星期六下午都開。
    [版主回覆04/12/2010 14:37:00]咁你幾點去? 最好約12點後啦~ haha

  5. 吃喝玩樂~~~ 玩得真開心~~~
    [版主回覆04/12/2010 14:36:00]無錯啊!!!

  6. 想問水貼點use??
    [版主回覆04/12/2010 14:36:00]咦! 你個blog用了禮傑既專用logo做你簽名icon!? 你問過佢未呢?

  7. 好鬼好玩咁喎,如果 9 / 10 月有團一定要去
     
    [版主回覆04/12/2010 14:34:00]我都好期待!!!

  8. 加左蝴蝶個樣 效果好好多~ 有如 錦上添花
    [版主回覆04/09/2010 10:31:00]haha 我是根據皂N娜女神大人既風格而加上啊!

  9. 睇完段片…笑咗!你們很像一班可愛大細路呀^^
    另外…我唔係好敢係國內食嘢滴…至於買畫冊、美術辭典及相關的書籍,我購自買台灣如雄獅出版社等及外國某些出版社的。不過如要買你文中提及的小號畫筆…便可能要返國內買了。
    [版主回覆04/09/2010 10:30:00]haha~ 佢地真係玩得好激呢
     
    幻想只得國內買到喔~ 而小號畫筆香港也找不到呢~

  10. YA大就好啦,復活在廣州,仲咩都玩齊TIM,我都想去返次呀T3T
    [版主回覆04/08/2010 15:45:00]其實仲有好多文化古蹟未去齊啊!!

  11. 喂呀!!!!!!!>___<!!!!!!!!!!!!!!!!!!做咩整個蝴蝶上我面…
    你死定啦!!!今晚輪到我出相!!!大家黎睇下yaya大的真面目啦!!!!!!!!
    [版主回覆04/08/2010 09:41:00]嘩~ 女神大人! 我用你鐘意既風格打格麻~ 你睇, 佢地個格仔都無你咁靚啊~
     
    大人手下留情啊~~~~

  12. YA上大陸盡量唔好食湘川菜,會有好多唔乾淨野
    [版主回覆04/08/2010 09:39:00]咦!! 收到~ 下次等我注意下先! thx啦~

  13. 嘩哈哈哈哈哈~
    出得黎行,預左要還!(你死你賤姐~哈哈~ )
    [版主回覆04/07/2010 23:00:00]你…你…. (噴血)~

  14. 我都post咗相喇! 過嚟睇吓啦! 廣州之旅(7) – 花絮及後記 話時話,本書同畫具我都好鍾意! 好想跟你地買好野!
    [版主回覆04/07/2010 23:00:00]森哥! 中國咁大, 我地都有機會撞到大家, 真係幸運啊!
     
    睇黎你地都去左好多好地方喎!

  15. 「T_T 我想殺死拍片那個…………!!!!!!!!!!!!!」X 2
    [版主回覆04/07/2010 22:58:00]嘩~ 我要返大陸着草至得啦~

  16. 唉 我都好想去
    [版主回覆04/07/2010 22:58:00]我都想去多次啊~

  17. 好豐富既節目啊!行街、唱K、食飯、睇模型咩都做齊!正! 小弟之前都想買番支000 OR 0000既龜筆,但係又唔知邊度有啊><"
    [版主回覆04/07/2010 22:57:00]我買左咁耐筆, 都係第一次見0000號~ 唔通真係要返大陸先買到?

  18. d筆好吸引……..我向來都係手油派(唔識噴野=.=)
     
    [版主回覆04/07/2010 22:57:00]手油的話, 筆真係好緊要呢!

  19. 會有20個人 :) 但唔包括熊貓~!!!!!!!
    [版主回覆04/07/2010 22:56:00]女神大人m(-.-)m 圖已改好了~ 請息怒吧!

  20. 條片….笑左
    [版主回覆04/07/2010 22:36:00]唔好笑咁大聲, 我冒身命危險放上黎的, 而家比佢地通緝緊呀…

  21. 冇乜點買野,因為我係細佬,睇中左野呀ba呀ma都唔比$我買…只係買左一隻錶~_~
    [版主回覆04/07/2010 22:35:00]咁等大個仔, 賺到錢就可以去買自己想買既東東了!

  22. T_T 我想殺死拍片那個…………!!!!!!!!!!!!!
    謝SIR話: 9月/10月廣州動漫節會再搞大團D!!! 到時一定會通知哂各位!! 今次冇去GE朋友唔洗失望~! XDD
    [版主回覆04/07/2010 15:09:00]女神請息怒~ 拍片果個真係冒住身命危險去拍的啊!!!!!
     
    好期待啊!!!!!! 下次唔知有無20人呢?

  23. 下次請謝sir搞大團d 啦, 我都好想去呀~~
    [版主回覆04/07/2010 15:08:00]皂姐有新消息了! 今次記住報名啊!
    JoannaKing : 謝SIR話: 9月/10月廣州動漫節會再搞大團D!!! 到時一定會通知哂各位!!

  24. 惨!看见那些精美的食物照片,口水直流呢! 可惜我没有得去~~~
    [版主回覆04/07/2010 15:06:00]是啊! 今次去左好多出名既食店!!! 真係勁正呢!
    第2-3日仲有好多相未出啊!

  25. 哈,我都去左gz呀
    [版主回覆04/07/2010 15:00:00]買得多唔多野呢?

  26. 嗚~我也被人遺棄了
    [版主回覆04/07/2010 15:00:00]噢~ 皂姐有新消息了! 今次記住報名啊!
    JoannaKing : 謝SIR話: 9月/10月廣州動漫節會再搞大團D!!! 到時一定會通知哂各位!!

  27. 蟹 sir 唱 K 啱啱唱到「借一杯附薦鳳台上」嗎 
    [版主回覆04/07/2010 11:27:00]佢地唱, 愛~愛~愛~不完~
    遲些補片~

  28. 嘩,又瀨低我地呢班模型游擊隊!
    [版主回覆04/07/2010 11:26:00]呃!!! 今次有人數限制, 所以無發揚出去添~

  29. 幻想我以前年年訂的。。。一別又幾年了。。。
    睇嚟廣州變咗好多喇,我以前都唔知書城有筆賣。。。下次返去要掃貨先得
    [版主回覆04/07/2010 11:25:00]我平時去開賣大陸書書店, 都會睇下幻想出左乜~
    聽團友話, 書城唔夠圳鎮大, 不過都算多野睇呢!

  30. 聽講小鯊唔喜歡去大陸…@__@
    [版主回覆04/07/2010 11:22:00]唔, 我都咁聽講過~

  31. 點解從來無人叫過我o既?
    [版主回覆04/07/2010 00:38:00]呃!! 邊個咁衰唔叫埋你~

發佈回覆給「龍千影」的留言 取消回覆

發佈留言必須填寫的電子郵件地址不會公開。


*