本YA非常喜歡SIC的生化設計的，而之前牙狼一出已經好想儲齊了！
可惜SIC實在太大盒，屋企空間實在有限，無奈放棄…
一聽到有牙狼會出極魂，真是開心到飛起！真是期待好久啊！
知道近期一開售就衝出去買了！
點知一拿起實物，已感覺到有少少異樣，心裡面突然閃過以下的圖片..
↑嘩長頸族不是只有婦女嗎！
天啊！為何等佢出等到本YA頸到長埋既同時，極魂版牙狼自己都變長頸架！
↑左邊是原裝入手的嚇人長頸婦樣子！右邊是參考官圖比例修改後樣子！
改完真是整個霸氣返哂來喔！
不過睇開本YA個Blog既Blog友，都知不會只改比例咁簡單啦～
先黎最簡單既手關節改造入手先！
↑本身手瓜關節一早粘死，令手部活動好單調～
不要夾硬撬出來喔～最快的拆除方法是先浸熱水，
令膠質變軟，之後再用幼螺絲鈚，這就會較易撬出來，
之後再削掉阻礙旋轉的正方卡位即可！
↑為了活動範圍加強，臂頂加濶是必定動作吧！
↑這手就可以枱高很多了，不過要注意不要開太大，不然會吸不緊關節啊！
第二步～為了之後的騎馬姿勢，腰力不可缺吧！
↑也是用先浸熱水方法撬開，之後就要靠電鑽工具打磨及鑽洞了！
↑腰頂削圓，中間開了一個大洞！入面藏入改短了的雙球關節～
↑當然胸內也要用電動打磨機削薄呢！
↑腰的接位也太長了，先裁短再用膠條接駁，那就實淨多了！
↑改後正常姿勢看不出破綻！
↑可以做出向前收腰的姿勢，只是背後有些空位，
這等之後有空，再用造型畢地補一下就可了～
↑向後挻胸也沒難度呢！
企定定睇～腳部看來沒問題，睇真D一做姿勢就知出哂事！
↑第一步大腿都是和手臂一樣削多一些邊位～
↑因腿甲關係這已是最大活動範圍了！
↑想由長腿變返正確比例，不是削短大腿黑關節，因為那關節不太好用AA膠粘~
↑所以就用圖中的電打磨機加深腿甲內部3mm即可！
↑腰及頸刮空等工作，也是用此工具完成呢！
↑腳部另一個好影響外觀的地方就是這裡了！
本YA用金屬挫由左邊原型打磨至右邊的樣子～
↑左邊是原本的可動範圍，屈出來好古怪…
右邊是關節打磨後的屈膝樣，雖然活動範圍一樣，但自然多了！
↑背後看也沒影響外觀呢！
↑一作半跪姿態，改造效果就出來了！
↑受傷都可以型過人呢！XD
最後就是今次重點～頸部大手術了！
↑撬開後，也要用電打磨器偷薄及加深內部空間～
↑因為縮短頸之後就會被頸護甲完全檔住，所以安心將後方切走，裝上小球型關節～
↑護領內斜裝球型關節另一部份～
↑這改造最緊要頸內空間預得夠，不然就做不到以下動作了！
↑正常角度～
↑枱頭！不過頭盔後及護領頂住，不太明顯呢～
↑側看就能更清楚可動程度了！
↑如果之後有馬的話，這幾個關節就可以令騎姿更自然了！
↑改造後正面！
↑側面！
↑背面！實在太帥了！
P.S. 暫時未有空上色，或者等馬出了才一起油好了！
文字 2010年11月26日上午12:21
極魂真係值得一入 可動性超強… 大河版牙狼>>>大斬馬刀必入 但睇完都唔係好明條頸點改短 YA大有無多D圖解釋
回覆
YAYA
YAYA 2010年11月26日下午3:58
大河版牙狼好貴啊!!!! 價錢可以買一盒SIC了! 我不太捨得入啊! 其實條頸唔算改短好多, 是頸下方胸口內空間挖深挖大一點就行了~ 最衰我只入了一隻, 如果有對照圖會清楚好多呢!
Hui
Hui 2010年11月25日下午10:15
YA大>< 小弟有D野想問下><雖然知YA大貴人事忙,但都希望可以解答下我>< 1.小弟睇個幾個網誌,知道改造要原子灰/造型畢地,但就睇模型村講畢地會收縮,原子灰不會=.=早幾日又睇到師兄有作品原子灰收縮，令到模型件扭曲.. 回覆 YAYA YAYA 2010年11月26日下午3:50 嘩~ 好似好大篇咁喎! 等我慢慢睇先! 1. 其實2樣野都會收縮, 不過原子灰收縮無咁厲害而已, 大面積用會好出事呢! 以上2種都可以不用膠水, 不過用前最好用800-1000號沙紙打磨一下, 那就不易甩了! 2. 睇膠片厚度而.. Janus Lu Janus Lu 2010年11月25日下午5:12 哇！YaYa兄， 好耐無游灠你的网页，需要时间慢慢消化你的嘢。Good job! 回覆 YAYA YAYA 2010年11月26日下午3:37 HAHA 我諗要一路手一路睇吧~ S.Y. S.Y. 2010年11月24日下午3:25 無錯呀 ! 極魂呢個Size真係易於收藏呀 ~ 若果出埋隻戰馬就更好咗！ 回覆 YAYA YAYA 2010年11月25日上午10:21 佢細細隻, 整埋個景比佢都得喎! haha 我都等緊隻馬, 希望隻馬條頸唔會又變長吧!! Luis Alberto Luis Alberto 2010年11月24日上午5:58 原設定真係幾嚇人...長頸成甘...不過睇完YA兄介紹就知唔只頸長...仲要硬直...徹底改造之後正得多...個受傷POSE原裝一定做唔到...經你手之後倉底貨都可以變珍藏呀... 回覆 YAYA YAYA 2010年11月25日上午10:20 多謝 ^^! 其實可能佢本身外型真係正, 係大量生產時某幾個位出意外吧~ 所以唔算難改呢~ 好想隻馬快d出埋啊~ Yahoo! 用戶 Yahoo! 用戶 2010年11月23日下午10:26 d花紋睇都覺好難上 加油 回覆 YAYA YAYA 2010年11月25日上午10:16 都唔好太難, 銀位唔太多, 油完主要滲返線就行了~ 一年戰爭高達迷 一年戰爭高達迷 2010年11月23日下午4:04 無野講！一個字形容晒： 勁 回覆 YAYA YAYA 2010年11月23日下午6:42 你誇獎啦~ 你地勁多啊! 路斯魯 路斯魯 2010年11月23日下午12:31 有冇對比 , 我想知幾大 ? 真係好型 ! 回覆 YAYA YAYA 2010年11月23日下午6:42 約4"咁高呢~ 地理堂 地理堂 2010年11月23日上午10:47 原來這就是令你很忙碌的外快 回覆 YAYA YAYA 2010年11月23日下午6:41 nonono 這是偷閒之作, 唔整下自己想整既野會癲啊! Johnduke 島主 Johnduke 島主 2010年11月23日上午8:52 一向完全唔玩開玩具(指成品，不是模型)既我，都覺得哩隻實在型得不得了！圖中的已經執了上色了嗎？看來上色也相當好！ 回覆 YAYA YAYA 2010年11月23日下午6:40 本身上色都算好好的了~ 係d舊化好污濁... 圖片是原色樣, 近排沒時間執色呢~ Billy Billy 2010年11月23日上午8:18 又有得學習了, 謝 ya 大!! 另外想請教一下, yaya 你用甚麼膠水來粘死 d關節? 用普通 AA 膠? 回覆 YAYA YAYA 2010年11月23日下午6:39 真是普通aa膠就得呢~ Godzilla . ex Godzilla . ex 2010年11月23日上午8:11 型咗又可以全可動,精彩... 回覆 YAYA YAYA 2010年11月23日下午6:38 本身出得唔差, 執一執就正哂了! Kan Choi Kan Choi 2010年11月23日上午2:16 我个番訂咗HJ隻誌上限定版!咁到達之時咪成隻机械獸G7咁? …現實3D版、好个LOOK戲? 咁補色洗唔洗成隻退曬D原色、先再補底色,後上金色? 回覆 howard8013 howard8013 2010年11月23日上午1:13 原來極魂都可咁改,又上了一課^w^ 牙狼的紋路比新安洲還複雜十倍， YAYA你好勇敢呢 回覆 JKL JKL 2010年11月23日上午12:45 原來咁大工程！m(_ _)m 回覆 YAYA YAYA 2010年11月23日上午12:50 睇落複雜, 其實只係用左2個幾鐘去改之麻~ 上色先係地獄, 所以又整到一半停左手了... T.T 青 青 2010年11月23日上午12:20 GARO係新出, 你冇得賴係之前整家架啦. 如果你又肯放返d時間去模型度, 你話幾好呢... P.S. : 轟天好似係限定... 回覆 YAYA YAYA 2010年11月23日上午12:52 忍等左佢出好耐... 點知一渣上手實在唔住手, 但今次有個電鑽係手, 一車埋去乜都一下攪掂喎! 唔難呢~ 天啊! 轟天唔好限定啊! Hui Hui 2010年11月22日下午11:17 WOW 有新野@@ 改造我仲要學好多野>< 回覆 YAYA YAYA 2010年11月23日上午12:48 大家咁話～我都好有好多野要學呢!