老變遊戲:TF War for Cybertron Optimus Prime 3D實體化~人型篇+螢光油介紹!

多款同一尺寸的柯柏文,最最最滿意就是這一款了!
而這War for Cybertron Optimus Prime 就完全滿足三個願望!

1.車mode有型,人mode夠重甲!正!
   (我是重甲狂熱來~)
2.夠細隻得黎夠細緻之餘,好多姿勢都做到!
   (多數儲開這種尺寸以下的TF)
3.變型夠複雜,而且各關節唔會鬆鬆下~耐玩!
   (太簡單好易玩厭的~)

貨櫃車型態可以去這裡看:TF War for Cybertron Optimus Prime 3D實體化~戰車篇!

暗燈螢光篇:

↑Robot Mode這樣發光都好Cyber呢!

↑手上那一條光玩具本身是沒有的,這是根據遊戲設定自行加上~

↑側身比較小發光點~

↑背後所有輪都發光了!

↑遊戲插畫內文哥成日用斧頭劈友,但今次竟然沒有包…

↑見剛巧有狂派的合體金剛經過,當然要夾硬搶來用了!

↑你睇!幾就手!咁就可以去劈友!啦啦啦~
正常燈光:

↑在亮光下,發光效果都好強!
當然眼部的藍色光並沒有用PHOTOSHOP修改過的啊!

↑全身重甲!因為想感覺實在些,連內部細位都全上色啊!

↑造型唯一缺點是背後背住一個龜殼…

↑雖然腰部不可扭,但可以和用大腿的雙關節就位,也能達到小小扭腰效果呢!

↑這樣開槍好帥吧!

↑鎗的另一邊補了偷膠~

↑竟然都能勉強做到半跪姿勢!有點估不到啊!

↑大黃蜂車mode真係好有型!可惜好多位都拍唔實!關節亦有點鬆…

↑同系列相比,文哥真係好似細粒左… 定係大黃蜂高左好多呢?

↑不過同另一個斯比頓系列的獨角獸比,又非常合拍啊!

↑獨角獸介紹:http://hk.myblog.yahoo.com/ambroseyin/article?mid=1721

 

↑本YA現時的TF最愛~ 新文佬同文仔!
細文介紹:http://hk.myblog.yahoo.com/ambroseyin/article?mid=245

參考圖片:

本YA有個習慣,就係改造上色前都會搵好多資料作參考的喔!

↑如果之後有大版的話,希望會有理這把斧頭吧!

↑展示會的圖片!人型變得好古怪…

螢光油介紹:

↑登~登~登~登!今次發光效果咁正!就係靠這一種TESTORS琺瑯油了!

↑在正常沒有紫外線的情況下,只看到好普通的鮮艷顏色~

↑但一開紫外線燈!你睇~

↑關燈後是不是好像每一支油入面都裝了燈泡呢!真神奇啊!

↑這是沒打紫外線光時正常樣子,眼是暗淡的~

↑但只要一開紫外光,所有螢光色都明顯光起來了!

↑背光之下,螢光位置好像改了燈一樣!既神秘感又有氣勢!

P.S. 下一篇會大約講講螢光油手油上色小心得呢!

 

感嘆的分隔線————————————————————————-

湖海蕭遙錄 6月24日節目 youtube版
http://www.hkreporter.com/talks/thread-938046-1-1.html

民主黨……..已死……

Share and Enjoy

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS
Bookmark the permalink.

One Comment

  1. wai shun
    2011年7月13日上午12:57
    請問賣唔賣已上色 WFC Optimus Prime?
    回覆
    YAYA
    YAYA
    2011年7月13日上午1:14
    我作品只是為興趣, 所以唔會作買賣呢~ ^^
    AFG
    AFG
    2010年12月14日下午10:44
    有冇黃色?
    回覆
    YAYA
    YAYA
    2011年1月26日下午10:33
    最右邊果技就是黃色來了~
    panda
    panda
    2010年11月12日下午10:06
    太利害了,Optimus上的博派Logo也是 螢光油油上去的嗎?是怎麼油的,這麼細小
    回覆
    YAYA
    YAYA
    2010年11月14日下午2:32
    用尖筆油上去呢~ 不過畫得不太好喔~
    Ching Hei
    Ching Hei
    2010年9月24日下午11:25
    Do the 油 need to add anything into it??
    回覆
    YAYA
    YAYA
    2010年9月25日下午1:17
    可以用白電油溝稀的!
    下一篇有詳細講解呢~
    Shirley
    Shirley
    2010年7月2日下午7:44
    對唔住呀…煩人又嚟… 我問小左…. 我畫線唔知點解好粗… 我又唔知點畫先畫到你地好細緻…THX!!
    回覆
    YAYA
    YAYA
    2010年7月3日下午2:40
    http://www.modelvillage.net/course/05.html

    滲 墨 線 示 範
    Shirley
    Shirley
    2010年7月2日下午7:38
    yaya唔好意思.. 我仲問埋… 點樣打陰影…唔該晒!!(我有噴筆)
    回覆
    YAYA
    YAYA
    2010年7月3日下午2:39
    http://www.modelvillage.net/course/13.html 噴 漆 問 題 — 活 用 噴 鎗 - 陰 影 技 巧
    Shirley
    Shirley
    2010年7月2日下午7:32
    YAYA你好! 我想問下漸變色點整… 例如我想藍變白應該點做…唔該!!
    回覆
    YAYA
    YAYA
    2010年7月3日下午2:38
    http://hk.myblog.yahoo.com/ambroseyin/article?mid=3303 這一篇有提到, 請詳閱~
    老祺
    老祺
    2010年7月2日下午1:50
    多謝你來我個blog留言,未見過呢款文哥,好有型~
    回覆
    YAYA
    YAYA
    2010年7月3日下午2:37
    因為出面都差不多賣哂, 要買的話都要捱貴貨呢~ ^^
    Joanna
    Joanna
    2010年7月2日上午2:27
    (應你要求~留個言啦~XD)
    好正呀!! @V@ 簡直係開心大發現! 搞到我都心思思要買番支~HAHAHA!!! 睇下仲可以點發揮得勁D!! ^^
    回覆
    YAYA
    YAYA
    2010年7月3日下午2:36
    女神好耐無降臨啦~ 好感動!
    比你玩應該玩到更多野吧!


    2010年7月1日下午11:40
    YAYA, 暗雞日你黎唔黎架, 俾個reply丫~
    http://hk.myblog.yahoo.com/orangeex07/article?new=1&mid=1214 <-- click it 回覆 YAYA YAYA 2010年7月3日下午2:35 我成日以為星期六黎添~ chiu_creative2 超創作室紙模型 chiu_creative2 超創作室紙模型 2010年7月1日下午2:38 上左色之後, 成隻邪左, 好有型!!! 上色技術無得頂!!! 回覆 YAYA YAYA 2010年7月3日下午2:35 估唔到文哥都有邪既一面喎~ 多謝支持呢! Kaku Kaku 2010年6月29日下午9:46 好似幾好玩咁喎 回覆 YAYA YAYA 2010年6月30日下午11:26 真係好好玩架! Johnny Johnny 2010年6月29日下午5:14 好的,我上网找找看。谢谢! 回覆 YAYA YAYA 2010年6月30日下午11:25 希望你買到吧! ^^ 金城KamShing 金城KamShing 2010年6月29日下午2:29 呢隻大黃蜂車款設計得好型 !!! 回覆 YAYA YAYA 2010年6月30日下午11:25 我覺得整個系列都好型!!! haha 冰 冰 2010年6月29日下午2:12 閣下上色真係正到喊~! 從來都無諗過會有發光塗裝,雖然要用紫外光燈… 依家TF越來越難入手,請問這兩隻要在那裡才買到? 『現時點』有嗎? 回覆 YAYA YAYA 2010年6月30日下午11:24 正常想買第一批正價的要到吉之島及反斗城買~ 不過受歡迎的會好快無哂的... 之後其他地方就要炒價入了~ 現時點都有, 不過比較貴呢! 地理堂 地理堂 2010年6月29日上午9:36 Testors 的琺瑯油我已經太耐無留心了,因為品質真係唔多掂 回覆 YAYA YAYA 2010年6月30日下午11:21 你會唔會用錯開油水呢? 我覺得同普通雙星琺瑯油差唔多咁既? HongKee HongKee 2010年6月28日下午11:05 wa...科幻感好強~螢光油真係好適合呢類"超級系"機械人 文哥當堂靚仔哂,甚至好過電影版tim~~ 唔知呢個系列有冇星星叫呢? 回覆 YAYA YAYA 2010年6月30日下午11:16 其實好多老變玩具出得好細緻, 油一油效果就出哂黎了! 下一隻好似隻老麥及音波~ 音波我覺得幾有趣呢! JKL JKL 2010年6月28日下午6:19 我仲係咁拉線嚟仲乜... 回覆 YAYA YAYA 2010年6月28日下午7:26 囧!!! 燈神唔好咁講呀, 我唔識改燈先用佢黎取巧炸!!! 其實仲有好多拉燈技巧要請教你啊! Johnny Johnny 2010年6月28日下午4:27 Hi, wanna ask where can get the 熒光油 online? 回覆 YAYA YAYA 2010年6月28日下午7:25 咦~ 咁我唔太清楚, 佢係西方牌子黎, 應該會有得訂瓜~ 一年戰爭高達迷 一年戰爭高達迷 2010年6月28日下午4:18 變形金鋼又真係幾正!YA大好犀利啊! 隻油幾好喎!買o黎試下先! 回覆 YAYA YAYA 2010年6月28日下午7:24 其實都係多得禮傑兄介紹呢! S.Y. S.Y. 2010年6月28日下午3:33 螢光油 ~ 真是好介紹 ~ 吾知要多少銀兩呢 ? 回覆 YAYA YAYA 2010年6月28日下午7:23 千里達都係賣緊11-12蚊之麻~ 好抵玩 Garycharm Garycharm 2010年6月28日上午10:56 做足功課先開工,效果梗好啦~~~ 隻螢光油好得, 死,我驚我忍唔住手又想學~~~~ 回覆 YAYA YAYA 2010年6月28日下午7:23 找咁多資料, 主要係睇佢舊化地方~ 希望似game入面文哥多一點呢~ 隻油唔難用喔~ 試下啦試下啦~ 文字 文字 2010年6月28日上午12:10 真係好鬼靚喎 e隻油係邊買...難唔難用 大黃蜂會唔會再上色 回覆 YAYA YAYA 2010年6月28日下午7:21 都唔算難用的~ 螢光油可以去千里達找找呢 大黃蜂我整爛左, 應該唔油住了~ seedman seedman 2010年6月27日下午11:47 如果不用紫外光燈照看得出螢光效果嗎? 回覆 YAYA YAYA 2010年6月28日下午7:20 沒紫外光燈的話, 就只是普通的螢光色吧了~ ALPHA ALPHA 2010年6月27日下午9:03 ya大,5好等LA... 自己整一把LA... 回覆 YAYA YAYA 2010年6月28日下午7:19 我怕整完佢之後會出喔! T.T Yahoo! 用戶 Yahoo! 用戶 2010年6月27日下午7:44 期待下一篇"螢光油手油上色小心得"~~ 回覆 YAYA YAYA 2010年6月28日下午7:18 不要太過期待喔~ Verywai Verywai 2010年6月26日下午11:49 真係好鬼靚喎...用來油下其他玩具都好 回覆 YAYA YAYA 2010年6月28日下午7:18 無錯喔! 赤砂蠍 赤砂蠍 2010年6月26日上午10:32 可以用在eva和unicorn上 回覆 YAYA YAYA 2010年6月28日下午7:18 如果大面積, 最好用噴呢! Godzilla . ex Godzilla . ex 2010年6月26日上午8:01 果然有螢... 好啱我依 d 懶人... 回覆 YAYA YAYA 2010年6月28日下午7:17 手油的話, 都唔懶得喎~ 龍千影 龍千影 2010年6月26日上午3:23 效果唔錯呢! 期待下一篇手油心得! 回覆 YAYA YAYA 2010年6月28日下午7:17 都只是一點心得來, 不要太期待喔~ Matt L Matt L 2010年6月25日下午11:36 U bested Urself again. Well done indeed. 回覆 YAYA YAYA 2010年6月28日下午7:16 Thanks your support. ^^ 飯糰 飯糰 2010年6月25日下午11:20 搞埋隻創造神(可變斯比頓星)吖~就出咯~ 回覆 YAYA YAYA 2010年6月28日下午7:16 嘩! 咁要幾個月時間先攪得掂了! 宗淦 宗淦 2010年6月25日下午11:15 效果真係好明顯~!! 好得~!! 等上油教學中~!! 回覆 YAYA YAYA 2010年6月28日下午7:15 完全係眼前一亮呢! Samuel Samuel 2010年6月25日下午10:51 螢光油........改改kamen rider faiz 都啱用… 回覆 YAYA YAYA 2010年6月28日下午7:14 係喎!!! Ryan Ryan 2010年6月25日下午9:34 轉個頭話咩特別版先有斧頭真係嘔幾日血 回覆 YAYA YAYA 2010年6月28日下午7:14 如果大版有都無問題既~ 傲賢 傲賢 2010年6月25日下午6:44 變左人形之後夠大隻, 夠有型! 好中意第一張相, 個眼神好正~ 不過我覺得個斧頭個邊好似細左d, 唔夠威武 回覆 YAYA YAYA 2010年6月28日下午7:14 人型好似重甲咁! 正! 把斧頭係搶返黎麻~ 咁就無得咁完美了~ XD 小望 小望 2010年6月25日下午1:43 熒光油真係正,可以扮裝左燈 回覆 YAYA YAYA 2010年6月25日下午5:40 我裝燈技術唔夠麻~ haha Yahoo! 用戶 Yahoo! 用戶 2010年6月25日上午11:20 又靚又正,你好叻呀! 回覆 YAYA YAYA 2010年6月25日上午11:40 多謝支持呢! 常威 常威 2010年6月25日上午9:25 YA大!請問你repaint果時係咪都要拆散d手手腳腳先油架?難唔難拆? 回覆 YAYA YAYA 2010年6月25日上午10:13 要拆開哂呢~ 不過依隻文有到好, 只要一扭開所有螺絲就得! 唔同其他款咁度度都有膠水"痴"實哂~ warxv warxv 2010年6月25日上午9:21 你總係喜歡D細野的. 隻油好吸引下,有興趣買來玩玩,邊處有售?? 回覆 YAYA YAYA 2010年6月25日上午9:45 我其實都好喜歡大野的... 環境迫成的啊!! 嗚嗚嗚 螢光油可以去千里達找找呢~ CHRIS CHRIS 2010年6月25日上午9:14 密切注意!!! 回覆 YAYA YAYA 2010年6月25日上午9:42 多謝支持啦! 某招 某招 2010年6月25日上午8:40 TESTORS琺瑯油可以係邊到買 回覆 YAYA YAYA 2010年6月25日上午9:42 可以去旺角的千里達找找呢~ 一匹小狼狗 一匹小狼狗 2010年6月25日上午8:24 這實在是太神奇了..... 回覆 YAYA YAYA 2010年6月25日上午9:41 是啊!!! 黑の騎兵 黑の騎兵 2010年6月25日上午6:11 個效果好正喎 ~ 呢種油勝在唔係貴 不過把斧頭就... 用zaku把斧頭, 加LED同透明膠板做個效果唔知得唔得 ... 回覆 YAYA YAYA 2010年6月25日上午9:35 係喎油就每支$11 真係好經濟~ 但紫外光燈要$120以上! 最貴係佢~ 不過佢平時可以用黎照下銀紙, 都算一物兩用既~ XD 我都有諗過整把斧頭, 不過覺得搶返黎果把都幾就手, 諗緊油唔油過佢好了!

發表迴響

你的電子郵件位址並不會被公開。 必要欄位標記為 *


*