忙左五日硬係要回顧一下啦！點解？
只要係熟我地一班笑笑團模友既Blog友，睇落去就會知了！嘿嘿～
今次公司同玉皇朝出了一隻天子傳奇 Online Game，
所以就趁2010動漫節攪一個遊戲開啟儀式兼新Game發怖會了！
黃玉郎仲第一次玩Cosplay呢！
開場前好有氣勢的《天子傳奇Online》宣傳動畫
↑當日請了國內歌手”楊青倩”歌舞助興！
↑件Cosplay衫真係幾靚！
↑仲令到依三位哥哥仔睇到眼定定添～
咦！佢地係到做乜？佢地係被本YA邀請(昆左)上台參加遊戲的呢！
↑依一位被黃生稱為Big咸哥哥既舞姿雖然硬直左少少，但真係好威武啊！
↑大力哥哥都好有氣勢，但不是青倩姐姐的姿勢喔～
↑你地睇！這位殺手哥哥就不同了！非常合拍呢！KAKAKA～
↑就因為咁，結果出來了！有氣勢但硬直的Big咸哥哥第三名
↑唔跟人武劍但武得好威武的大力哥哥第二名
↑完全放下身段投入舞劍的殺手哥哥當然就得到冠軍了！仲由黃生親手頒獎呢！
↑另一個小遊戲就是問答比賽！頭領哥哥攪到青倩姐姐幾開心！
↑雖然輸左一題，但得到青倩姐姐親手頒獎，乜都值哂啦～
鏡頭一轉！————————————————————————
↑黃玉郎先生話咁快就變返便服，黎會場親身試玩天子傳奇3D版呢！
↑要玩3D成套配備要有一個可以行到120幅數的LCD螢幕，一張210以上的顯示卡及一套3D眼鏡(不是戲院那一款啊～)！
↑本YA行足全場，都得覺得我地兩位ShowGirl最靚！身材更加唔駛講啦！
↑左邊一位叫可樂，右邊叫小亞～ 佢地係台後都好nice呢～
↑會場台上既吹氣劍多到好似新年一盤盤吉咁！
↑其實背後是好令人辛酸的…
這5天我地幾個工作人員就係用這一種泵，人手泵了近1000把天子劍…
↑每次兩位美眉一話派劍～
↑場下就好熱烈咁舉手了！其實有點懷疑佢地係真係想要把劍…
定係只想親近兩位美眉…
↑當日仲有好多龍友瘋狂咁影！(咦！圖中有一位好熟面口咁喎～)
↑中途仲有變型可樂車黎踩場，
點知比我地既ShowGirl可樂一個屁股咁坐左係可樂車上面…
果然主場係有利D～
↑係台後一角！見佢地玩得咁開心～本YA都想參加埋一份啊！
但係會唔會比人話大蝦細架…
↑最後一日美眉大放送！
其它之後會送既東東—————————————————————
↑今次展覽雖然無戀愛盒子2既宣傳！
不過公司都一早準備了同Game入面一樣既小海星抱枕～係未好可愛呢！
↑背後仲有大大個LOGO添啊！
↑除左抱枕型態，佢仲可以好似變形金剛咁，變成不倒翁型態的！
↑變成某動畫角色的帽子都無難度呢！
多謝小鯊的日本手信啊！————————————————————
↑真係好有趣，不過唔好以為佢細就好容易，原來都好花時間的….
睇漏o左呢個 Post添，原來o個日有呢個節目，仲有兩位靚女陪影相，見團長頭領等高人玩得咁開心，仲要埋獎 ………
[版主回覆11/14/2010 14:36:00]其實果時仲缺一位架~ 你黎埋就啱啱好了!
就係因為兩個女妖精,你拋低朋友不顧…… 估唔到你係咁樣的…… 不過女妖精有咁樣的質素,比著我都會一時之間忘記了世上有朋友這一樣東西的……..
[版主回覆08/19/2010 11:19:00]我都好想主因係為了兩個美女啊~ 嗚嗚嗚
希望日後有多一次齊人機會啦~ 聽大家吹玩具經係一種享受來啊!
我 last日都有去,見到兩位ShowGirl 真係一絕~
[版主回覆08/19/2010 11:17:00]haha 我覺得佢地係全場最正呢~
鄭國寶
終於出項羽喇 ^_^ (跟game)
http://www.sdgundamorg.com/oldindex/index.htm
[版主回覆08/11/2010 12:07:00]天啊!! 有無得唔跟GAME架~
也也師夫的blog太好看了,,,太好看,,,了…大好看了….
[版主回覆08/10/2010 11:39:00]呃~ 這是廣告留言來嗎? XD
可樂同小亞………..真係好掂 ！～ 她們已殺死我的心了！
[版主回覆08/10/2010 09:24:00]HAHA 咁你要飛去台灣找她們了~
殺手哥哥型爆!
[版主回覆08/10/2010 09:24:00]絕對同意!!! XD
玩到咁大呀？殺手哥哥果然係扮果樣，似果樣！利害利害！
[版主回覆08/09/2010 10:25:00]殺手哥哥真係做乜都好專業同盡力!! 絕對係一個好好既學習對象黎! XD
「小朋友齊打交」笑左 ^_^
楊青倩好靚喎
期待佢更多跳舞MV
[版主回覆08/09/2010 10:24:00]睇住佢地攞住自己設計既吹氣劍玩得咁開心, 有時真係開心埋一份架~
咦!!! 原來我一直打錯名添!!! 立即改返先! 多謝提醒了!
5日內泵成千把
[版主回覆08/09/2010 10:23:00]無錯!!! 人力泵!!!
第一條片入面個姜太公識量子化 ……..((我睇00上腦?!))
[版主回覆08/09/2010 10:23:00]我都覺喎!!!! 可能我都係00上腦!
我都有玩戀2啊!
隻五角好得意好想要@@
[版主回覆08/09/2010 10:21:00]咁下次有活動時, 我立即係依一度公報吧! ^^
青善姐姐….我第一眼見到佢….
以為佢係"剛因嚥"
不過你有冇同我濕個紅褲司儀一鑊…佢唔俾我偷睇答案咁認真架
[版主回覆08/09/2010 10:21:00]比公明提一提, 原來打錯名~ 楊青倩姐姐先至啱!
果個司儀唔係公司同事黎, 完左show就搵唔返佢了~ XD
小朋友齊打架果條o靚仔根本就係配角~~
點解唔見你上去舞台玩既~~
[版主回覆08/07/2010 13:16:00]個小朋友比姐姐搶左把姐之後 札札跳幾過癮~ haha
因為我係工作人員, 所以未無上台攞~~
好彩哥日我無來, 唔係狼態盡現色迷迷入o左鏡就水洗都唔清….
[版主回覆08/07/2010 13:15:00]就係爭你啊! 有五個咁有份量既人一齊上台先勁麻!
辛苦你了~ 黃玉郎好似係咪搞緊動漫館
[版主回覆08/07/2010 13:14:00]上次上廣州動漫節, 記得佢個展館好鬼大, 我都唔知有無攪呢~
還有位青善姐姐, 見唔到呀 ~
[版主回覆08/07/2010 13:12:00]佢只出席開幕禮~ 因為大會唔比名星級人任上各展館的舞台…
笑到我甩轆
[版主回覆08/07/2010 13:10:00]現場更有趣啊! 不過又好驚佢地落台之得打我~
嘩~~~玩得真開心，除左影佢地相，仲有無拍埋片ar
[版主回覆08/07/2010 13:09:00]最衰我部機張卡無哂位~ 唔係一定拍哂佢!
乜你地成班友仔上去玩? 個位姐姐有d似法拉, 都唔錯! 尤其咁既裝束….
[版主回覆08/07/2010 13:08:00]這是免費入場的代價啦~ 嘿嘿! 青善姐姐是國內歌手來呢~
攪咁耐, 我最想都係同兩個台妹影相呀~~~~~~
乜有拍照最後召集架, 我唔知o既!!!!!
熊霸, d好野你食晒得啦
[版主回覆08/07/2010 00:43:00]嘩～頭領你可以同青善姐姐合照仲難得喎!!!!
最後召集只比工作人員啦~
我就只有遠觀吧了, 點有資格食喎!
三位模友係台上的英姿令我好佩服~ 粒海星 好cute 呀~
[版主回覆08/07/2010 00:29:00]我都估唔到佢地咁勁!
粒海星你係未好想要呢~ 嘿嘿
誰知我內心多苦悶 一切沒法如願… 從開始至今多考驗 手裡利劍常斷… 不可以 重覆這怒叫聲 自信他朝一柱擎天 沒法屈膝在苦困前 討厭加討厭…
[版主回覆08/07/2010 00:28:00]
嘩! 原來你武劍果陣諗緊依D野架!!!
好彩無係台上 一柱擎天 啫!
係喎~ 果日黃生好似好睇好殺手哥哥既造型!
唔知佢下一本漫畫會唔會攞黎做主角呢?
黃生玩到咁大~~~~~^_^
[版主回覆08/07/2010 00:24:00]haha 未係~
我又要同美眉影相……
[版主回覆08/07/2010 00:24:00]果幾日都唔見你~