近排掛住改玩具，差Ｄ唔記得仲有２日行程未更新添～
依一日主力都係上下九路飲飲食食，同上次唔到係：上次傍晚，今次一大清早去！
↑大伙一早就去左陶陶居飲早茶，依一餐真係超級豐富！
↑國內(廣州)的酒樓竟然大到其中一層有個室內花園同水池！
多謝落難阿仁的留言更正～
↑今次終於仲食到上次食唔到既極品”佛跳牆”！真係”飛”常好食(好食到識飛~)，又海鮮又鮑魚又海參每客都係50人仔！比起香港同級食品價錢黎講真係好鬼抵食！
↑每一個大籠入面都好多粒點心！
↑可能早餐未開胃關係，點得多左添！但真係好飽好滿足啊！
↑之前天太黑，今次終於可以慢慢欣賞好有民間特色的銅像了！
↑雖然已經食飽飽，但係一到食街，都要入去逛一逛先心息既！
↑自從大陸新聞報導過那些坑油事件，本YA心裡都唔多唔小有少少避忌啦～
↑這一間食蟲串燒的，每次去都有點發毛！
↑上次炸大蝎子，今次竟然炸大蜘蛛啊！成身仲有好多毛毛啊！
↑嘩！今次謝SIR又大有口福了！
↑上下九路好出名的Cosplay～公雞飛機欖！
↑中秋節的上下九路～(上次行程)
↑上次中秋節，成條街掛滿燈籠好有節日氣氛！(上次行程)
↑今次清明時節就雨紛紛，好有另一種節日特色呢！
↑好可愛的羊城吉祥物～
一德路萬菱玩具精品：
↑今次終於行哂8層了！
↑最高幾層多數都是貴價室內擺設，只可遠觀了～
↑下面幾層好多精品、毛公仔、動漫精品等！
雖然今次都買了不小東東，但都非常便宜呢！
↑以前母親常用來幫屋企補衫、縫窗簾等～但因為母親仙遊，搬屋後就給別人了…
所以忍不住買了一部小型的紀念一下～ 30蚊人仔
↑買了一些1/150人仔，有點似火車模型的東東呢！每盒10蚊人仔～
↑入了好多紋身貼紙～ 3蚊人仔一張呢！
↑好鐘意MH的插畫，忍唔住用了50蚊人仔敗了～
↑離開萬菱不遠，見到一些看來好好味的街邊特色小食呢！
不過因為太多油而不敢亂試了～
↑未重修時的景色(上次行程)
↑整個廣州都在重修中，上次好靚的景點也變成工地了…
參觀Crazy Dog 店鋪：
↑廣州的越富廣場，真係好似香港旺角中心，下幾層好多女裝、首鉓、精品～
↑但一到三樓就好多模型、舊玩具精品賣了！有點似皆旺～
這一間老闆娘買東東打好多折給我們呢！
↑上次笑笑團及電擊都和國內”熱熾”模友Crazy Dog 見過好幾次面了！
↑原來他在商場開了一間模型鋪～
↑除了售賣首辦，還有好多代工的作品啊！
↑雖然不便宜，但本YA在香港找了得久都找不到這2款武器！終於在廣場內買到了！
↑最後晚餐主力是甜品!? 今次終於一個人食哂一杯極濃朱古力冰沙了！好滿足！
↑最後仲有龍飛同謝SIR的專訪！龍飛飯局！
↑悄悄話：本YA只可以講圖中訪問內容絶對與現實不符啦～
↑廣州買模魂志都係15蚊人仔，所以本YA不想就立即買下了！
↑點知去到尾頁好有驚喜啊！！！
↑多謝讀者李文靖的支持啊！那基地強化好多呢！比原設更有心思啊！
作品回顧：2008電擊作品：中國新能源研究中心！Part03
續…
廣州之旅真係好開心好好玩喎，但老實說我對國內的食物很有保留，這些街邊小食我真的不敢試呢．．．
[版主回覆04/19/2010 04:13:00]我腸胃本身不太好, 都唔太敢食呢~
咦！呢間內地模型舖賣的係國產定原裝貨呢？好多o野賣喎！連工具都好齊！價錢唔知平唔平呢？
[版主回覆04/19/2010 04:12:00]這裡賣的全都是原裝貨來呢~ 價錢同香港差唔多, 有一些標價仲會同香港一樣~ 不過係要比人仔…
P.S. 好彩識龍飛有得平~ haha
1:30 pm 會好o的，o的熊貓可以睡多個鐘，食多片竹葉，同多交配一次。
[版主回覆04/16/2010 13:21:00]小tomtom話有2.30 有d野係旺角想我地代交收~ 唔知就唔就到佢呢?
你會唔會去觀塘先食下午? 如果係我叫埋禮傑啊~
同埋你可以玩到幾點?
龍飛飯局係流定堅架?
[版主回覆04/16/2010 13:09:00]依個秘密… 我唔敢爆啊!
嘩 ~ 隻有毛大蜘咮！點食得落口！ 請教吓！廣州的模型價格便宜嗎？
[版主回覆04/15/2010 16:10:00]真係睇到都想~~~ 廣州正版模型一D都唔平… 計埋貴過香港10幾-20港紙到~
↑這一間食蟲串燒的，每次去都有點發毛！ 食這些來練 "千蛛萬毒手" ??? 廣東人有腳都食.
[版主回覆04/15/2010 10:54:00]我真係入唔到口………
我連攞上手都驚………
哈！
[版主回覆04/15/2010 10:53:00]…
好葡萄呀！
我要做番o的令你地葡萄的事！
[版主回覆04/14/2010 11:05:00]呃~ 好期待你既葡萄事啊!
快講快講~
YAYA兄嚟廣州都唔通知聲小弟呀（I'm live in 廣州）
等我可以跟埋你個團云玩下都好呀“`
[版主回覆04/14/2010 11:04:00]因為今次去既人收有限~ 所以之前唔敢係blog咁張揚呢~
原來你住廣州, 咁下次去一定通知你先!
喂呀!!!!!!!!又影我個衰樣!!!!!!!!!!!!>___<!!!!!!!!!!!!!!!!我要你死10次!!!!!
另外…. 你係咪執過自己個頭呀??? 原相..好似係………
個頭整齊左WO~XDDDD
[版主回覆04/14/2010 11:00:00]女神大人息怒~ m-.-m
你張食甜品大頭唔係我影的, 我邊會用依一個角度咁影人, 你唔覺無哂我既影相風格咩?
悄悄話: 噢~ 比人發現左添~
死啦我而家先出第一篇>__<!!!!!!慢左10拍…………….
[版主回覆04/14/2010 10:06:00]我而家先出第二篇都算慢… 你仲而家先出…
愈睇愈想去呢 希望快D又黎一個長假期啦
[版主回覆04/14/2010 10:05:00]下一個長假期真係要等好耐啊~~~
你地有無試到蜘蛛呀?味道如何呢~~ 個間商場好有香港風味…..同現時點,信和有得揮~
[版主回覆04/14/2010 09:58:00]隻蜘蛛要50蚊人仔啊~
硬係唔會試啦~ 咁恐怖…
個商場同一件玩具個價錢數字同香港價一樣, 不過佢係比人仔啊!
謝 sir 好勇啊，尤其是係老婆面前都敢食啲咁嘅嘢，利害
[版主回覆04/13/2010 13:44:00]嘩~ 你唔好睇小謝太~ 佢好玩得的啊! 依D對佢黎講絕對小兒科黎!
睇完讀者來信，你一定好感動0勒！因為我都起左雞皮，連我都感動埋！
加油呀！yaya兄！我地一齊去崖邊望下夕陽啦~~~~~
[版主回覆04/13/2010 13:43:00]好呀~ 我已經熱淚滿腔了~ 一齊奔向夕陽吧~
小小更正你一下，大陸d酒樓唔是間間都是咁，因為廣州d茶樓有名的都是舊有傳落嚟，全部都好有嶺南园林的風格咖，內陸果d又有佢哋的風格，所以唔可以乜都大陸大陸咁，廣州同大陸好多城市是唔一樣咖
[版主回覆04/13/2010 09:35:00]原來如此~ 因為上下九路舊區再加上新商店特色, 看來滿熱鬧的! 這方面廣州政府看來活化保育不錯啊!
如果香港政府能借下鏡就好了~