街機出三國志大戰既時候已經好留意！無奈要認真玩的話太貴了，仲要成日咪係遊戲機中心，本YA實在無咁多閒錢同時間…但！NDS竟然出了！！！
雖然畫面是細左少少，不過好多地方同街機差唔多一樣玩法！忍受不住就問同事借黎玩左一陣…之後唔駛講…睇圖吧…
另一個咁快做機主既原因，係因為本YA既細路係尾牙抽到2獎$3000，之後竟然好豪咁話送一部NDS比本YA呢！(雖然金錢觀念上我地冇分咁多，不過成日都話我既錢係我既，佢既錢係都我駛埋既XD！)佢咁主動真係好感動喔T.T，佢仲話好過送模型(MG SF Gundam)…話費事油到成屋都係味喎=.=
本YA去買果日仲買多一部白色(果然唔係用努力得返黎既錢係好易駛哂…)以後可以一齊連線打了！勁開心呢^o^
講返今年尾牙幾特別既情況，公司同事有38名，頭獎1名＄4000，3獎＄2000好似2-3名，但2獎＄3000大元竟然有20名！不過遺憾既係本YA咁都抽唔到…唔通係公司既抽獎運已經完蛋了T.T！不過餘下每人最少都有1000元，都算是一個快樂尾牙了！
↑因為NDS張RAM咭原開機畫面實在太肉酸了，所以第一步唔係玩Game先，而係一定要重新設計過新，唔改實在太吉眼了！
新年除左搬屋之外，仲可能會搬BLOG，新BLOG都裝修好七七八八了，不過因為新BLOG有同事既ling而暫時唔太方便登出黎比Blog友連結，唯有等新年後再話比大家知好了！
預祝你生日快樂先~~!! 發咗新年財真好~~!! 個畫面又改得幾正呢~~!!
恭喜發財!
回 獅子座黃金聖鬥士艾奧里亞 ：因為三國志大戰！我忍唔住了！:P 回 合金暈 ：買左之後發覺有好多正Game喎！ 回 火燎森 ：我都想一齊Link呢！不過我冇買上網果舊野… 回 紫秤 ：都算ok好彩啦！ 回 crabchiu ：你係做慈善機構麻，實質冇乜錢不過會積福喎！ 回 Warxv ：我都係覺得之後勁多野玩先選NDS呢！ 回 不眠王子 ＆ 阿柱 ：新年快樂！！
《豬油記》祝您家肥屋潤﹗ 事事順利﹗身體健康﹗ 最緊要﹗ 有覺好瞓﹗﹗﹗
買得好!跟住仲有大把好GAME,FF,DQ,都會有GAME出,我現在現緊DQM!
你就好啦﹗yaya，我冇雙糧，同抽獎金好耐了……好懷念呀﹗我好想買機，但新年實在令我太窮了﹗
超好彩……………..
乜大家都有玩三国ga my friend code 係 3608-6880-4611 ar !!!
嘩~~~恭喜恭喜…我都想玩皇家騎士團呀..但又唔想為一隻game買機… 順便拜個早年先…… 祝你心想事成….
嘩! 正呀! 不過, 我一定要堅持到DQ9先至買…… 對了, 情人節快樂!
係呀! 不過唔同部門呢!^^
你與弟弟一起共事？！真開心，你們感情一定好好