在滑雪度假村過左一晚，一起身原來已經-7度了！好彩度假村夠暖氣啫～
今日行程好密，一早就要上雪山山頂，之後要去整泡菜，最後會去東大門，不過本YA想找JKL介紹的Gundam Base，所以麻煩了導遊幫手叫的士前住～可惜最後都搵唔到… 反而見識了韓國最大型的電器城！壯觀程度可以用整個尖沙咀區都係賣電器的來比喻！除左所有街道全是電器，還有好多5-6層高的廣場全層連地庫都是電腦電器！比深水埗黃金更密集！可惜價錢唔平之餘仲要加埋稅… 所以只有乾睇的份兒了～
↑好多蛋的早餐！
↑人造雪就是由中間噴出了！
↑這部14號吊車是冬日戀歌大明星坐過的…
↑好多人排隊坐吊車上山頂～
↑好有海洋公園FEEL~
↑一路上山，車程約20分鐘，高度約1400米(唔知有冇記錯～)
↑嘩！植物全變白了！這裡沒有造雪機，這是真雪來啊！
↑不過太陽一出就開始溶化了～
↑其實山頂好細，幾步就行完了～
↑好壯觀的風景！相機濶度有限，親眼睇是會更震撼的喔！
↑好多滑雪高手就是從這麼高的地方滑下去的～
↑由吊車望落去，滑雪場開始多人了！
↑臨走前一影，河道都結冰了～
↑下午吃的是韓式乾燒豬肉～(真係得豬肉…)
↑食飽後去自製泡菜，店內好多大長今名星相～
↑主持話泡菜有190幾款，其中一款係泡菜朱古力… 味道不敢想像…
↑雖然話自製，其實好多配料都一早調好了～自製的就只有包果一下…
↑本YA的完成品！外型是不是好專業呢～
↑這是細佬整的… 睇見都唔開胃…
↑最後一包包會捐比各大老人中心… 希望他們肚子會沒事吧…
↑青瓦台總統府門外，山上有一張馬騮面的！入面可以行的地方只有半個足球場咁大… 所以影幾張相就離開了～
↑入黑後就去東大門，燈飾好靚！但四圍都唔係係買衫就係買化妝品…
↑商場外有Show睇～
↑今次晚餐是要自費的～ 所以好多謝老細請食飯呢！
↑晚上回第一天的華克山莊酒店～
嘩！室內裝潢點解同第一日差咁遠既！高貴左好多喎！
↑臨瞓前試下支人參液先～
我好似去過個滑雪場..哈~ 當時係夏天…滑草的………爆熱又濕~xd
[版主回覆12/24/2008 11:25:00]咦! 夏天去滑雪場咁奇? 真係估唔到喎~
那時在車上導遊說 「這條看來不錯…… 到夏天便知甚麼味道。」 此刻混車都是
[版主回覆12/23/2008 23:39:00]好彩我是冬天去啫~ XD
臨瞓前飲人參液? 唔怕瞓唔着咩?
[版主回覆12/23/2008 23:39:00]支人參液得陣好濃既人參味…
仲以為飲完可以玩耐D夜D先訓… 點知訓得仲香… 好無奈
咁好味呀@@
[版主回覆12/23/2008 23:36:00]都OK架~
睇見你d相我就諗返起我三年前去韓國, 我都係去呢個滑雪場, o個時十二月尾去…凍好多 夜晚零下十幾度…..第二朝上到山頂有雪落, 但係當時氣溫應該低過零下廿度=.=" 我著住籃球鞋都可以凍到入腳板=.=" 冇記錯呢度應該叫龍平…
[版主回覆12/23/2008 11:12:00]所以我今次唔知算好彩定唔好彩…
導遊話我地去果時天氣最最最靚! 唔太凍又有太陽~ 可以玩得好舒服~
但我地又好想睇雪啊!啊!啊!
祝聖誕快樂~~~
[版主回覆12/23/2008 11:09:00]thx ^^
聖誕快樂!
還好是冬天 夏天要吃狗肉
[版主回覆12/23/2008 11:09:00]好不敢吃狗肉啊…
YAYA,近排工作,只係看您近況都無留言,真係唔好意思.
由您d相睇得出,呢次係一次唔錯既旅程,雖然無去過,但都一直想去.
有機會您要試一下濟州黑毛猪肉,都幾出名.牛肉太貴,唔值得食;
點都好,小心身體
**近排有次唔訓覺,心血來潮又將d模型同.fuigra搞埋一齊
[版主回覆12/23/2008 11:09:00]不用不好意思啦~ 多謝你的支持呢!
除非公司會攪五天滑雪團(機會好微啦), 我諗未必會去多一次韓國了~ 因為冇野好買, 睇既地方又不太吸引…
fuigra+模型諗落真係幾過癮喎! 期待之後的作品呢!
少有見你ＰＯＳＴ Ｄ 旅行相ＢＯＲ！
[版主回覆12/23/2008 11:03:00]haha 因為好少可有得去旅行麻~
所以要連出5篇了~
排隊搭吊車旁邊個隻是熊還是哥斯拉?? 咁上到頂之後係唔係滑落山腳? 東大門D燈飾真係好特別,好靚.
[版主回覆12/22/2008 17:01:00]那應該是哥斯拉的兒子來~ XD
我地上到上頂睇完撘返吊車落山, 如果要滑的話, 以我地水準應該要幾日先落到去…
東大門好多座燈飾都好有心思! 不過其它相我影得唔好, 所以冇POST到呢~
我最怕就係凍－﹏－．．．．．．
見到都凍－﹏－"
聖誕快樂啊！～
[版主回覆12/22/2008 11:24:00]其實唔係好凍, 可能有陽光吧~
聖誕快樂啊!!!
聖誕快樂～
[版主回覆12/22/2008 11:22:00]聖誕快樂!!!
祝 聖誕快樂~~~
[版主回覆12/22/2008 11:22:00]thx~ 聖誕快樂!!!
臨瞓前試下支人參液？會唔會攪到周身興訓唔到？
[版主回覆12/22/2008 11:22:00]果支人參液得陣人參味, 好似冇乜實質作用咁…