↑這是家人聽完話要改名後激動的樣子圖…
上星期六老死賤狗王陪本YA去睇相，見價錢都都係三條半魚到不算貴，就看看今年適唔適合轉工、幾時識到另一半及減唔減到肥(重點)啦！
開始時計出生時晨都話本YA都好好命水的，之後講返以前發生什麼事及出生家底都幾準啦！但一去到睇名果Part就出事了，居士竟然話我最後個字加埋中間個字筆劃係兇數… 仲要名字內有剋住命格的五行，天啊！然後仲好詳盡地用真實人物(有好有壞的)的名字作例子參考添！
居士主要話本YA條命好依食無憂，但唔改名的話但一生都會好平淡咁過，仲可能連因緣就算找上門都可能會唔上心而錯過(回想起以前真係咁，其實而家都係… 對感情方面睇得好淡)，而減肥更唔駛諗啊！
返到佢企同”花打(Father)”商量後，佢一聽本YA壇自決定去睇相個反應就同上圖一樣咁激烈反對… 又話唔信依D野… (其實佢自己後生時都因為咁改過名啦！)=.= 而當時居士一早講過，自己同花打八字生肖都唔夾，所以成日有頂撞… 居士都話人都咁大依D事可以自己決定啦！但名字始終都係父母比既，點可以唔請示一下呢…
特別居士比個新名”建泓”真係幾好聽，搞到而家本YA心裡面十五十六，真係唔知點算好添…
↑一睇完討論區的介紹這SHCM-PRO紅渣後，第一時間就買了！比之前高達細節位好之餘，連裝甲內部也上了色，感覺實在多了！而且附送基地同壽屋基地真係好夾！但價錢都算幾貴…
這是比Blog友Mr.Elljay及小王子毒到，佢地介紹幾款老柯(漫畫版，電影版及Classic版)實在好詳盡，所以最終選了日版Classic文！一玩上手真係好滿足！佢地實在冇介紹錯呢！
P.S. 另外對睡橫行三國傳買2才送一決定真是好失望，佢計得太盡太失盡人心了！如果之後市場都係咁攪，仲炒到貴哂的話， 都係罷買算了！橫掂士兵咁硬直，又唔係特別靚！而祖國版就更不會支持的了！
ahoo! 用戶 2008年3月30日下午12:44
名係一個稱呼黎者,唔需要太介意,加上我又唔係好信風水
名係你阿爸阿媽送俾你ge禮物,獎勵你出到世,唔會關運氣事
回覆
YAYA
YAYA 2008年3月31日上午10:23
其實諗諗下都係既，而且一想到而家轉名情序好煩，所以都唔太想改了～
金城KamShing
金城KamShing 2008年3月19日下午11:51
其實人大了, 通常朋友和同事都係叫『花名』、『英文名』或『簡稱』, 好少會叫全名啊。就算你改了名, 朋友和同事都只會叫翻你之前叫你的吧。
回覆
YAYA
YAYA 2008年3月20日上午11:18
無錯啊! 不過我花名太多了! 老死叫我阿象、模友阿YA、當D人唔識讀鏘字時就叫阿鏗! haha
而且家人都唔願意就唔勉強改了…
可羅索
可羅索 2008年3月17日上午10:12
同意蟹sir, 再者，新名未改就己經頂頸，不見得改左一定好，而唔改，反而即時會關係好左，因為會覺得你聽佢講， 隻柯柏文好正，車同人都靚，要幾銀？
回覆
YAYA
YAYA 2008年3月17日下午1:21
haha 改唔改都咁頂頸啦~
隻柯柏文買左$199, 都算貴吧…
冰
冰 2008年3月16日下午7:49
改叫建泓…好~除非你姓鄧…
都有個人板好唔鍾意自己個名…最後都接受左…但佢條命又真係唔多好…
我講緊『加美由』~~
！ ( ≧▽≦ )
回覆
YAYA
YAYA 2008年3月16日下午11:52
其實我對鄧建泓D歌麻麻地鐘意…
主要係建字是族系名. 而泓字係九劃加有水字部…
不過現在我都覺改不改也沒大所謂了, 因為家人及各Blog友都唔太支持吧~ T.T
金城KamShing
金城KamShing 2008年3月16日上午10:57
http://hk.myblog.yahoo.com/infiniteland-1972/article?mid=305
http://hk.myblog.yahoo.com/infiniteland-1972/article?mid=302
有時間, 不妨看看~~~~
回覆
YAYA
YAYA 2008年3月16日下午11:49
好有用的文章呢! 多謝分享了!
金城KamShing
金城KamShing 2008年3月16日上午10:49
不用改名了~~!! 我都看過很多相學節目, 其實名字, 中國人是在前半生才有運氣上的幫助, 下半生才改名, 是改不了運的, 因為很多事已經塵埃落定。(以上是玄學家的說法)
在我而言, 我就不信改名這套論說, 因..
回覆
YAYA
YAYA 2008年3月16日下午11:48
可能我由細個開始就唔太鐘意父母睇相後改的名字吧~
第一個名叫”建彥”, 是阿爺改的, 真是非常喜歡呢!
mak
mak 2008年3月16日上午9:47
有得介紹大黃蜂BumbleBee!
回覆
YAYA
YAYA 2008年3月16日下午11:45
okok~
Hing Piu
Hing Piu 2008年3月16日上午2:19
我都同意蟹sir! 行不改名,坐不改姓!
打破所有風水命運去改變自己既人生^^
回覆
YAYA
YAYA 2008年3月16日上午3:04
風水命運只是一種幫助, 有時都有科學根據的啊! 特別以住打工有些老闆都好相信這方面. 又真係睇得出有效的啊!
當然佢地比我既信念係 “成功可以靠翹幸, 但一心只想翹幸成功, 咁就注定會失敗” 所以做人要努力就一..
Kobe
Kobe 2008年3月16日上午12:27
YAYA兄，我已經放了怪誕屍新娘的Figure上我個Blog，得閒嚟睇睇。YAYA兄，這個可能是小弟最後一個網誌，因為小弟近來發現有人盜用了我網誌上的相片放上自己的網誌，連內容也沒有改，相片的編排完全與小弟的網誌一樣..
回覆
YAYA
YAYA 2008年3月16日上午2:39
你千期唔好放棄, 關了對佢來講只是少了一個Copy來源, 而你之前的心血就全浪費了! 絕對不要一時沖動啊!
地理堂
地理堂 2008年3月16日上午12:08
我反而覺得你改名會一了百了，不失為好事。因為你和家人有改名的前科，而你後生仔已經改了兩次，証明你和家人是會因這種事動搖的人。故此這次改了的話香港政府不容你再改就可以一了百了，否則你每隔幾年又想改名就未..
回覆
YAYA
YAYA 2008年3月16日上午2:35
因為是最後一次關係, 所以更令人頭痛啊!!
不過就算有多幾次都應該唔會再改~ 改名手續實在太麻煩太貴了!
Kelvin
Kelvin
2008年3月15日下午10:00
我都支持YAYA唔好改，平平安安，健健康康其實對好多人黎講已經好足夠的啦~
回覆
YAYA
YAYA
2008年3月16日上午2:28
多謝關心! 講得好啱, 但如果只是改了名後, 可以生活得更好的話, 那又可算是好簡單的方法來吧! 所以好苦惱啊!
FiGht fOr DreAm
FiGht fOr DreAm
2008年3月15日下午7:25
我最近都有睇相，但係要逐樣計錢羅，我得算八字都已五舊水，想再問掌面相或改名就逐一收錢，唉！ 問到有點唔夠喉！
另外，日版Classic文好似同美版唔係分別好大喎，簡直好似係一模一樣。
回覆
YAYA
YAYA
2008年3月15日下午9:24
我睇咁多八字、掌、改名加埋都係350… 所以見咁抵才試下呢!
我想買Classic文好耐了, 日版上色比美版精美好多, 可以去 Mr.Elljay 個網睇睇 http://hk.myblog.yahoo.com/elljay-besttoy/article?mid=9792
Brian
Brian
2008年3月15日下午6:18
日版文炒梗呀, 唔買喇……
回覆
YAYA
YAYA
2008年3月15日下午9:20
這是我第二隻CLASSIC黎, 因為日版真係正好多, 忍唔住手了!
模魂志龍飛
模魂志龍飛
2008年3月15日下午4:46
同意蟹兄！其實命呢家野，係靠自己掌握的！如果改個名就可以萬事縫凶化吉既話，甘D保險經紀唔使撈啦，個個轉行去幫人改名得了～
回覆
YAYA
YAYA
2008年3月15日下午9:16
咁又係, 或者遲一點去姑姐介紹另一位相士看看結果如何再決定好了~ 姑姐介紹花打放心麻 XD
九龍宋公明
九龍宋公明
2008年3月15日下午4:15
唔贊成啊~!!
建泓唔好啊~!!
改名係一件大事
絕唔係轉左個網名咁簡單
三思啊~!!ya大~!!
回覆
YAYA
YAYA
2008年3月15日下午9:13
HAHA 筆名就一定唔會改的了~
其實改名真係好麻煩啊!
沙宏
沙宏
2008年3月15日下午2:37
「建泓?」呢個名….唔見得鄧建泓有幾紅喎?? 做左咁耐都係半紅不黑….可想而知!
回覆
YAYA
YAYA
2008年3月15日下午9:10
以居士所說: 同名唔同八字出來效果都不同的啊!
mak
mak
2008年3月15日下午1:27
得閒嚟小弟個Blog參觀下!!!
有新Ｂｌｏｇ！
回覆
YAYA
YAYA
2008年3月15日下午2:32
OK 遲些過去看看~
平凡人
平凡人
2008年3月15日下午12:00
改名真係好大件事的啊…. 相士話咁大個人改名可以自己決定…. 佢係想攪到人地家變呀……..加上上一代重都係幾保守….. 你花打一定唔會鐘意你改名啦….. 不過….你重咩唔話佢自己又係因呢個原因改名o既..
回覆
YAYA
YAYA
2008年3月15日下午2:31
我花打佢把口就好硬, 不過佢都係担心我唔識野改睇相出事, 所以我冇怪過佢呢~ 用商量態度有時好過串反佢, 咁樣花打反而更聽唔入耳吧, 而且佢好心軟, 話哂老豆都係關心仔的!
所以改名咁大件事我一定會諗清諗楚才決定的啊!
Hathaway
Hathaway
2008年3月15日上午11:22
Quote: “改咩呀﹗
男人老狗行不改名、坐不改姓；
而且名字是家人給你第一個的禮物呢!”
Totally agree!!
回覆
YAYA
YAYA
2008年3月15日下午2:26
如果這樣對我來說是第二個禮物來了~ ^^
常威
常威
2008年3月15日上午11:16
相士都係人，相士都要搵食！叫你改名純粹係行銷技倆！現實d諗，出面睇相公價五舊，依家收你三舊半，即係吸客，之後sell你改名，你係唔係都要俾封利是仔，幾舊水冇走雞；改得名唔爭在sell埋你其他啦！命盤、風水、…
回覆
YAYA
YAYA
2008年3月15日下午2:25
你分析得好有道理! 依D問題我都有諗過, 不過 另一個原因就係而家個名都係小學時家人睇其他相士後改成的… 改後小時已經唔太喜歡了, 記得細個時還為改名哭鬧過… 不過家人一定要改就冇計了! 今次我都要好慎重咁..
Kimutaku
Kimutaku
2008年3月15日上午10:29
哈哈, 小朋友, 去睇相咁大件事都先斬後奏, 好在你改名前都問下先, 如果唔係就大件事……
始終個名都係父母賜比佢地嘅仔女, 用咗咁多年話要改點都有啲意見(佢地叫你改又另一回事), 一個人再大喺佢地心目中都..
回覆
YAYA
YAYA
2008年3月15日下午2:19
haha 我唔小朋友啦~ 不過一家人真係最緊要有商有量都好同意呢!
睇相好小事冇話先斬後奏咁嚴重, 改名就硬係大件事好多了! 另一個原因就係而家個名都係小學時家人睇其他相士後改成的… 不過改後自己好唔開心,..
crabchiu
crabchiu
2008年3月15日上午10:05
改咩呀﹗
男人老狗行不改名、坐不改姓；
而且名字是家人給你第一個的禮物呢﹗
回覆
YAYA
YAYA
2008年3月15日下午2:02
咁又係! 因為咁所以特別煩惱… 因為而家個名都係以前媽打睇完其他相士後改的… 政府仲規定只可以改三次, 我已經用左二次了啊!