第一次出事佢地唔小心整穿地板條水管！攪到要重新整過哂！算…橫掂條喉管都十幾年了，換過都冇問題，不過又要預多少少錢整同要多成個星期整，都幾煩！
過左成個月就出第二次事，之前個師父仲話１個窗位４隻窗門冇問題，仲話用加厚窗更好！
點知出黎個窗金屬欄位竟然可以同玻璃位一樣咁粗！之前佢話好佢有經驗做過好多工程，咁肉酸都得？唔係佢住佢更係話接受到啦！一定要重新換過，佢竟然話要加2000幾！最衰之前份約係畫４個窗位…冇計…忍你!!
點知昨日開始舖地板時！又再次整穿條水管！裝地工人一釘就釘左入水管到！即時好似噴泉咁噴水！天啊！佢話地面畫線果個畫錯喎！而家要等地板完全乾先可以繼續攪落去…
一支釘咁細都咁啱打到正條咁幼既水管，本YA諗以後搬入去一定會中六合彩頭獎！
之後仲有大把工序未整！牆紙呀、木櫃呀、工作枱呀、床呀等，希望唔好再出事啦！拜託！
P.S. 執屋時搵返好多舊玩具，影左幾件裝著玩具！有空執完相Post上黎先！
一定會post上黎呢^^ 不過仲要再等一段時間…
裝修好之後, post d 相上里睇下啦!
回 小王子 : 係公司偷偷地執緊相中… 回 Warxv : 因為新屋雖然樓底較矮, 其實唔係個地板師父用3吋釘直接釘穿…應該係用電鑽先開洞, 又咁啱鑽深左…所以先入到條水管到… 回 Joel : 因為已經落好哂order, D櫃依幾日到到左, 差唔多尾聲…真係好難換人了… 回 阿柱 : Tamama個樣絕對係我果刻既心情!
哈哈，Tamama個樣又幾match你呢單野喎~
yaya, 裝修佬整爆水喉要佢地自已梗番的， 這是行規． 如果你係同佢地ｆｒｉｅｎｄ就冇得講ｏ者． 唔好比佢地屈你呀， 要惡過佢地， 大不了炒哂佢地換過第二批人囉
有一點要小心,如果你個裝修師傅咁pro,而你又有咁上下運氣的,你親自跟一跟佢條水喉點裝的如果聽你咁講可能條喉裝得淺左少少了,正常好少有釘地板釘暴喉呢d事的,釘地板一般都只係幾分,條喉入地連1吋都無??奇怪??
舊玩具!! 近排流行post舊玩具!! 記得影多幾件上黎喎~~