唉！上個星期勁忙！要搞裝修之餘，又突然接到兩份外快！連網友Blog都冇時間睇添！
整個星期本YA同(花打)約左裝修師傅傾左好多次，不停咁係新舊屋來回！遲些仲要去街睇裝修物料添！特別緊張的原因是今次重點除左客飯廳外，其次就係我同細佬既電腦房兼工作間了(右上角的地方)！雖然叫工作間實質同玩樂房冇乜分別，因為打機同砌模型都係果度了，係未要好緊要呢！
影底重點裝修地方前的樣子，等裝修後再對比一下先！
太耐冇更新！一次過貼多幾張相吧！
↑終放等到啦! 58蚊5盒，好在之前冇買啫！
↑兩把小刀一早已經油好，等有空開壇影返Ｄ靚相同整張CG先！
←亂砌毛病又發作了！
諗住幾時入伙呀?
睇見客廳都攪得幾有型格, 相信工作室唔係大問題吧~~。
回 合金暈 : display櫃依一部份硬係最最最緊要啦!XD
有冇整返個大display櫃..要黎放玩具先
回 *♥° Candy *♥° 及 crabchiu ：搬屋前真係勁多野攪，其實都幾煩…希望新屋裝修後真係好好睇睇啦！
可以搬屋，確係一件值得煩的開心事呢﹗
厲害啊~如果我都可以搬屋就好了~
哈哈, 習慣了呢! 一時改不了^^
那麼你的手油技巧又的確很好了！ (請恕我直言，那句「回dilaton :」好似大可以不必加上去，除非你睇到一些其他人看不見的東西吧 )
回 dilaton : 我所有模型都手油唷! 不過油之前我會用郡氏33號啞黑噴一下內部以免穿崩及完成後輕輕噴一層啞光油! 不過每次一噴就比家人話了T.T
你隻 Slaughter 手油的嗎？！
回 dilaton : 好耐未噴過模型了! 所以正在同家人申請當中唷! 要噴的話可能會出露台噴都未定, 始終露天散味散得快d呢!(不過到時又比人話噴野會毒死哂放係露台既蘭花…)
你個玩樂房近窗的地方有無空間放枱噴油？我每次搬屋考慮模型枱的地點時必定先以此為出發。