↑佢就係依個位置空襲本YA了，之後仲好得戚咁唱歌添！真係吹佢唔漲…
前幾日同細路出去高達展，怕間房太焗就打開左個氣窗先走！返屋企時就聽到有雀聲… 一入房就見有隻雀仔，好活潑咁係天花板支燈走黎走去．仲以為唔識出返去啦，就打開所有窗引佢出去，點知攪極佢都飛返天花板，對我地完全無視=.=
之後就試攞幾粒熟飯放係窗口，等佢食完自已飛走啦，點知食完又飛返上去… 真係無佢符…
唯有唔理好了，做返自己做緊既野啦，點知…恐怖襲擊來了！ 佢竟然玩高空放炸彈(米田共)！
為免受害地區加大，就趕左佢入廁所後開大個窗及關門(第二張圖)，到晚飯時聽唔到聲以為已經走左，睇清楚Ｄ原來佢只係訓左… (之後本YA既細佬去沖涼仲比佢睇埋全相添XD！) 訓醒第二日一早就聽到雀仔聲，就知佢肯定唔會走了…
經過一輪相議，就決定買個雀籠比依隻王帝好了(費事佢四圍放炸彈)，開頭仲頭痛唔知點捉佢入去，但一搞掂籠入面既食物，佢就好自動咁飛左入去了，好合作！得閒開門比佢出黎飛兩轉又自已走返入籠…又唔怕人玩得下喎！依個時候就開始感受到佢其實幾可愛！所以屋企以後就多左個新成員了！
聽朋友講，自來雀會帶來好運，唔知係未會中六合彩呢！期待期待！
↑之後飛左去廁所，開大左個窗(右下角)，諗佢之後依個炸彈狂徒會走啦…
↑王帝雀：我已經成功入侵左你地地盤，唔該日日幫我加食加水，仲要清潔個籠添… 唔係我就會係你地頭上放炸彈啦！啦～啦～啦～
真係好神奇呢~~~~
dilaton : 其實我都好想養狗…無奈屋企唔比, 我諗如果有狗佢就未必敢飛入黎了! Gary : 咁我諗佢係公來了, 日日佢都叫得好起勁呢!
相思雀，我細個都有養，仲記得以前只會養公，唔會有人養母相思的，因為唔識唱
好熱鬧喎，如果你屋企有養狗的話，隻狗整日廿四小時追住隻陌生雀吠就更熱鬧了！(這是個人經驗之談 )
常威 : "心口有冇波" 有少少難明…唔通好似人咁有一對好大個波嗎@@? 如果要多一個籠就算了, 好在屋企有露台比佢唱歌, 而且佢仲同四圍既朋友由早唱到晚! crabchiu : 其實依次已經算第二隻自來雀了, 之前來了隻紅咀鸚鵡, 我麻麻養了好久有一日它飛到對面的家, 那戶人家不肯還給我們, 麻麻傷心了一排呢…
初中時家裡也來了隻自來雀，我每天卦鳥籠在屋外，飬了一陣，有了感情…… 一日放學回家，看見空雀籠，媽媽說她被人偷了…… 那日我趁沖涼時喊了一場……
養雀仔係唔需要一對既！(除非你好鍾意啦！)如果怕佢悶可以帶佢落公園或者放近窗門，等佢識下d雀仔friend，得閒合唱下！如果要養多隻既話，記住千祈唔好放埋一個籠裡面，要分開兩個籠呀！以免打交。
要分相思係男定女好簡單，只要睇下佢心口有冇波就得啦！
常威 & 小望 : thx教路呢! 原來要沖身, 我仲怕淋水會整到佢病添! 而帶佢出街依樣野要靠我"花打"了! 咁依種雀真係要搵一對? 點分男定女呢? 好奇 : 其實之前係電梯大堂有隻自來貓, 差些入埋屋, 無奈屋企真係冇時間養…
正宗K : 如果深入少少研究H5N1既資料, 會發現好多不為人知既藥廠騙局同誇張事實, 所以根本冇驚過!
落難阿仁 & Warxv : 咁唔關熟唔熟事, 比人困咁耐咁一定會飛遠四圍睇下, 當佢飛到倦時就好似依隻王帝雀咁, 唔識返屋企又唔識搵食, 咁就飛左去第二個家唔走了!
小王子 : 常威 唔講我都唔知叫相思呢!
又會咁開心,睇個樣仲幾肥仔下. 應該係一隻失魂雀,之前蕩失路了.
呢隻係「相思」，餵雀粟好啦！佢唔食得草蜢架！得閒開盤水(大約1吋高)比佢沖下身就OK，夏天就沖多d等佢冇咁熱
其實呢隻係咩雀??
隻雀都幾醒wo!搵番個伴比佢啦XD
哈哈，養雀有時真是要好細心咖，不過好多時都養唔熟。。。果陣我公公樣左8年幾既劃眉都飛走左。。。。比心機養佢啦
會唔會有H5N1嫁…..XD 小心d好喎@~@
我家也有一隻"自來狗", 十多年前我爺爺得晨運的時候, 從公園跟到返屋企…之後又有人話"自來狗"有福, 除了收養佢之外, 仲給它起名叫"福頭", 直到現在
咪好囉！以後多d「世藝」！「帶埋去公園或者茶樓就very good啦！」雀仔說。