見好多BLOG友都寫返以住一年既情況同明年展望，都抄下人地寫下先！我諗到07年尾睇返都幾過癮！
2006年雖然本YA都係過得好混混噩噩！不過點都開心事多過壞事既！
首先講開心野！
06年頭公司抽獎抽到部手機大獎(做三年抽過兩年大獎>.<)，咁啱(花打)電話壞壞地，所以之後比左佢用！唔駛出錢再買！hahaha
06年公司開始需要我幫手做一些網頁設計！以前懶兼冇乜時間得學！而家名正言順係公司睇書同不停咁問同事(特別嗚謝Ada同占占比我咁煩法！)而且公司有個月仲加左一些特別獎金比我！雖然我仲好水皮…不過我都會繼續努力呢！
06年中對本BLOG最值得紀念既就更係在機綠巧合下成立啦！開頭諗住公司宣傳扶助用的！一寫之下就停唔到手寫落去…最主要原因當然係各位BLOG友既支持了！希望下年我有時間整更多模型比大家分享啦！
06年尾本YA終於實體化了！以前雖然想整好耐！不過平時冇乜動力去整，因為屋企太多模型買左無砌了！而咁啱軍曹玩具一出！比例又好合心意！所以一時衝動下生了！以後影相本YA都可以同作品一齊上鏡了！
06年尾本YA全公司去旅行！真係好好玩！無論心理上同生理上！心理就係大部份錢唔係自己出！又可以住五星級酒店！比我自己去的話真係唔敢咁豪…一住就愛上了！我諗我有咁長命老左又有錢的話會不停咁去！而且同識既人一齊玩真係好玩好多！生埋方面就係果度沙灘風景太靚了！連平時唔多郁動既本都游左成日水，人都健康左一點點！XD
而06年唔開心野，就忘記哂了！因為記太多唔開心野會浪費值得開心既日子！忘了就唔寫下了！
2007年展望！
第一位當然係減到肥啦！因為以前工作日夜癲倒…所以爆肥！講左３年又３年了！朋友都成日話本YA得個講字之後仲加上冷笑…又話本YA再唔減找唔到女朋友了…不過本YA想減唔係想靚仔Ｄ(因為滅左都唔會靚仔＝..＝)…而係怕年紀大有病痛！有病乜都做唔到好慘的…依家keep住冇繼續肥，但希望07有進步減到多一些啦！
第二位希望抽些時間上一些課程，近排見有一個加強記憶力既課程，雖然唔太清楚課程有幾大幫助，不過1月4號就報左個免費班，當然預左果日冇乜野學到！不過都想主動去試一下！感覺好就報名好了(雖然學費成6000蚊)！希望對之後既工作上同學日文有幫助啦！因為好想有一日唔駛靠人自己去日本呢！
第三位就到現在都仲考慮緊轉唔轉工問題了！雖然07運情無論生肖及星座都話我轉工後會有出頭天！但係我想轉工最主要原因係人工薪酬方面！做左咁多年設計人工都咁少，真係有少少失落！但又好怕新工我冇時間讀書…希望年頭下到決定！
第四位當然希望製作多一些改得特別一點既作品啦～本YA宗旨係貼得BLOG既玩具一定先改過或轉過色呢！希望有一些新鮮感麻！
第五…沒了！費事比大多壓力自己麻～
2007年! 儘管放馬過來吧!!
Thx Kelly 受教了! ^^ 1. 想減肥先解決便秘問題 ←之前疴到阿媽都唔認得呢! t.t 2. 嚴禁宵夜←已經進行中 3. 不吃早餐反而脂肪增加←每天都有吃呢! 4. 精明選擇←這個有點難度…我是忍不到口的人來喔! 5. 家中進膳←大多數日子都是呢! 6. 輕鬆減壓←這個要看看果一排多唔多野做了! 7. 多作幻想←這是我的強項來的!! 8. 決心和耐力←這也是我最大的缺點來… 9. 賞罰分明←唔太明添! 10. 飲食記錄←我係食飽就好快唔記食左乜野人黎… 11. 餐前一碗湯←用果汁代替唔知得唔得呢? 12. 堅守「一日三餐」←進行中了! 13. 每餐七分飽←有點難度呢! 試下做唔做到先!
有朋友知我減緊肥 , 所以 send 俾我 , 睇下對你有無幫助 ! 想減肥的請遵守以下減肥必讀心得 : 1. 想減肥先解決便秘問題 2. 嚴禁宵夜 3. 不吃早餐反而脂肪增加 4. 精明選擇 5. 家中進膳 6. 輕鬆減壓 7. 多作幻想 8. 決心和耐力 9. 賞罰分明 10. 飲食記錄 11. 餐前一碗湯 12. 堅守「一日三餐」 13. 每餐七分飽 相關網頁 : http://www.healthcometrue.com/hk ( 有更詳盡解釋 )
希望您願望成真，美好的2007等著您！
回 合金暈 : 多謝欣賞呢！不過我怕量產會變死貨喎…
你隻熊貓公仔都好得意丫，有冇打算生產。
回 山明水秀 : 多謝鼓勵呢! ^^ 回 dilaton : 我技術還未夠, 不過我都諗緊玩唔玩今年電擊呢!
你的第四位要更豪一點嘛，一於參加公開賽吧！(恭喜你得了冠軍，是實至名歸 )
努力呀!!
新年快樂!因為依幾日有東西忙兼朋友結緍要做兄弟,所以遲左回添! 回 王 穎 & skwong & dilaton : 新年快樂! ^^ 回 Warxv : thx 是唷! 玩具只要玩得開心就行了! 只不過我們都覺加多一點心思會更好玩呢! 回 阿柱 : 有人撐太感動了! 你06生活都好多姿多彩呢! 回 crabchiu : 好一齊打出去! 不過我隻GM仲未生產完成…好驚添… 回 小王子 : 天呀! 你竟然對住一個肥仔話自己好瘦要增肥, 就好似一個有錢佬對住個窮人講自己冇錢一樣!太殘忍了! T.T
王子計劃增肥呢 但咁多年都做唔到
新年快樂
加油﹗我地一齊打出2k7﹗
我撐你，因為我好欣賞你yaya的造型，真係好得﹗ 盡情享受你的興趣吧﹗
希望你心想事成啦! 我都覺得有時為自己玩具加一點屬於自己顏色比花時間找一件完美量產品有意義多了. happy new year!
2007新年快樂!!
新年快樂呀, 祝你身體健康, 日日都開開心心<===係就係好老套, 不過我係真心架!!!願各位都珍惜現在所擁有的!!!